› 選擇地區
三藩市
紐約
洛杉磯
其他美國地區
香港 台灣 北美
 
2012年07月13日

「拍戲好辛苦 咳足成個月」
城城買法拉利紅跑獎自己

《今日我至豪》
不愧為天王,都未有耐到生日,但已預先買咗架法拉利開篷跑車獎勵自己,今日至豪仲唔係你?

10月才47歲生日的郭富城,前晚在尖沙嘴出席太陽眼鏡活動,他自爆有一副價值10萬元的黃金鑽石眼鏡,最近又買了一架紅色開篷跑車做生日禮物,更會掛上他的天王車牌SKY。

郭富城、文詠珊(JaniceMan)、徐濠縈和模何思諺等,前晚在尖沙嘴出席CARRERA太陽眼鏡活動,Janice穿上腰位開洞的背心,認真透心凉。郭富城姍姍來遲,他表示自己儲了過百副太陽眼鏡,其中最貴是10萬元的金、鑽石眼鏡,他說:「唔可以戴出嚟,因為好重,家放喺夾萬,係生日時一間大公司送。」

「會掛SKY車牌」

問城城有沒有送眼鏡給女友熊黛林(Lynn)?他即轉話題,一向愛玩靚車的他今年10月才到47歲生日,但他已豪買法拉利給自己做禮物,他說:「我有個秘密想講畀大家聽,我訂咗架開篷跑車,係紅色,襯埋我身上嘅眼鏡就一絕,會掛SKY車牌,當係慶祝自己生日,其實我呢幾年都少買車,之前拍戲好辛苦,上個月咳足成個月,買架車當獎勵自己。」問到女友Lynn一樣好耐冇換車,城城即拒絕再談。

陽光妹黐王維基

另外,去年跟樂隊MR.鼓手Tom奉子成婚的陽光妹何思諺,產後肥了不少,她透露囝囝已5個月大,她已簽約王維基,會拍劇搵奶粉錢,她說:「仲有10磅未減,前幾日試造型度身,成30吋腰,好彩我喺套劇入面係做護士,都OK。」她指開刀生難收身。
採訪:梁錦雯
攝影:黃文偉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載