› 選擇地區
三藩市
紐約
洛杉磯
其他美國地區
香港 台灣 北美
 
2012年08月17日

馮仁昭四圍超:港姐決賽 日魔術師踩場 - 馮仁昭

岑杏賢攞時尚目光獎,佢話要同好友朱千雪分享獎品。

港姐決賽會喺今個月26號舉行,噚日一班佳麗去尖沙嘴試眼鏡,今年大會搞搞新意思,除咗觀眾可以投票揀冠軍外,TVB仲請咗喺日本好出名,將海報個漢堡包變成真嘅日、法混血魔術師CyrilTakayama做表演嘉賓,佢仲會同評判之一嘅劉德華有互動演出㖭。
非戲劇製作總監余詠珊話傾咗幾個月先成事,Cryil咁出名,酬勞咪好貴?余詠珊話:「唔敢講,我哋畀好少咋(酬勞),同埋包機票同住宿,但對方拍心口應承。」余詠珊透露仲想搵小生花旦如林峯、胡杏兒同馬國明等演出,不過要再安排。

岑杏賢擸兩獎

十位候選港姐戴上眼鏡競逐時尚目光獎,最後由岑杏賢奪得,佢已連奪最佳首飾演繹獎同時尚目光獎,想唔想攞埋冠軍?岑杏賢就話:「平常心面對,希望可以繼續做到最後,做更多親善工作,宣傳香港。」咁講法攞埋國際親善小姐可以滿足到佢嘅意願。
岑杏賢得獎要多得老友佳麗朱千雪幫手影到張靚相畀評判揀,岑杏賢話會同朱千雪分享二萬五千蚊獎品,朱千雪就話:「就算唔分畀我,我都會錫住佢。」
此外,余詠珊又被問到《反轉三周1/2》抄襲美日節目,佢例牌否認:「我哋嘅出發點只係為過往節目致敬。15集太多嘢,其中一個動作話抄就唔公平,觀眾鍾意最緊要。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載