› 選擇地區
三藩市
紐約
洛杉磯
其他美國地區
香港 台灣 北美
 
2012年09月03日

都是那些年:李婉華家庭大過天

婉華的孖仔心心(左)及志志十分黐身,故要特別多花時間照顧。

03年結婚生女後,現年44歲的李婉華正式退出娛樂圈移居溫哥華,一切似跟香港再沒關係,但其實在另一國度生活的她,比在娛樂圈搏殺時期更緊貼香港人的步伐,根本從未離開過,只是,現在的婉華已沒有事業心,雖心繫香港,但家庭對她而言,比任何事都更重要。 撰文:羅美倫

李婉華自88年出道後事業順風順水,其間經歷過與吳鎮宇、何家勁兩段香港人都熟悉的戀情,突然在03年跑到加拿大下嫁當地華人李守正,同年誕下大女兒Natalie,從此移居溫哥華,並加入當地的加拿大中文電台,09年再誕下孖仔阿心、阿志,至今仍身兼DJ及家庭主婦兩職。

心繫香港

做了媽咪,昔日娛樂圈的繁華似與婉華無關,其實她一直心繫香港,一星期主持五日的節目《小心華之里》,由她編訂的內容都與香港息息相關,婉華說:「我每日睇報紙搵啲有話題性、夠吸引嘅新聞嚟講,國民教育、梁振英、陳茂波,甚至香港嘅政治經濟、七一上街,香港人關心嘅我都會講,所以呢七年我好似冇離開過香港咁。以前開工或返大陸,唔會留意時事,直到回歸,嘩,董建華、五十萬人上街喎,逐漸關心,過到嚟更掛住香港。」以前婉華在香港做電台時,主持的《戀上你的床》講男女之間的戀事,明顯她已進入人生另一階段。
現在於加拿大的家庭生活令婉華滿足又充實,家中三個小朋友令她忙個不停,每天除中午返電台工作三個小時,其餘時間都屬於三個寶貝,由早餐直踩到晚上冲凉睡覺,尤其兩個孖仔,要輪住,更要多花功夫,星期六、日就更加忙,子女活動多再加女傭放假,婉華連休息時間也沒有,不過還未放棄自己:「哈哈……我剛開始做番運動,做gym打網球,放低啲小朋友就即刻去跑步,個人弗好多又精神,感覺後生啲,做運動個人sharp醒啲,唔郁個人會老,我要多啲精力湊仔,因為有排捱呀!」

自認戇居

婉華已有十年沒拍劇,一直保持不錯的狀態,有想過復出嗎?她笑言:「有時睇戲都會諗,但冇得貪心,要做自己鍾意嘅嘢又要有家庭生活,做女人就係咁,要取捨,不過,never say never!」令婉華選擇到加拿大過平淡生活,原來跟吳鎮宇、何家勁拍過拖大有關係,她曾揚言不再跟圈中人拍拖,未幾就認識了李守正,隨老公到加拿大展開新一頁,婉華說:「我幾專一,難聽啲講係戇居,諗得太簡單,以前愛情大過天,好彩我遇到嘅,都係人品、心地好,但大家對家庭觀念唔同,佢哋因為工作周圍去,係冇腳雀仔,但女人去到咁上下年紀要結婚唔拖得,女人有個生理時鐘,太遲結婚會冇仔女㗎。」

拒做怨婦

跟圈中人拍拖,婉華覺得難令女方有安全感,男的在外地拍戲,女的容易胡思亂想,她明白男藝人要靠異性仰慕來增加自信,也親眼見過不少結了婚的同行把持不定,她笑言:「呢個圈好少劉青雲、張家輝,我唔想變怨婦,唔想互相猜疑。」最終婉華選擇嫁個圈外人,選擇不在香港生活也是想孩子將來讀書不用太辛苦:「我願意犧牲自己嘅興趣、工作,但亦好開心可以搵到自己一片天,有機會喺度做電台,拍戲生活真係後生至捱得。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載