› 選擇地區
三藩市
紐約
洛杉磯
其他美國地區
香港 台灣 北美
 
2012年09月05日

外星IQ題

美聯社(美聯社)

1)有迹底褲物主係?

(答案請在內文找)
見到呢條有迹底褲,係咪想即刻掉落垃圾筒呢?不過好多人當佢係寶,下個月仲會拎嚟拍賣,起標價12萬港紙。點解咁巴閉?事關呢條底底嘅主人係美國已故貓王皮禮士利,77年嗰陣着過嚟表演㗎!

2)阿B老竇係邊位?

(答案請在內文找)
呢個細路眨下眼就咁大個,望真啲佢真係好似佢個萬人迷老竇。阿B噚日喺西班牙捧老竇場嗰陣係咁同人say hi,真係冧功了得,佢老竇係邊個?咪就係葡萄牙靚仔球星C朗囉!

3)鬍鬚佬係乜水?

(答案請在內文找)
噚日喺洛杉磯有個留晒鬍鬚、戴咗cap帽同黑超嘅影壇巨星,成個阿叔咁款去濕平,佢曾經係男同志同女影迷見到都流晒口水、又幫《無敵貓劍俠》配過音嘅西班牙型男,開估!佢係安東尼奧班達拉斯。

4)邊個玩碰碰車?

(答案請在內文找)
呢位美國男星唔經唔覺已經71歲,噚日佢喺馬利布陪5歲囡囡玩碰碰車玩到谷起塊面,佢係邊個?就係演過《海角驚魂》、《歲月驚濤》同《48小時》嘅尼基諾特(Nick Nolte)。

5)乜你咁怕醜?

(答案請在內文找)
呢位小姐好怕醜噃,佢噚日喺洛杉磯機場一見記者就用頸巾遮面,但係佢老公係出咗名唔怕醜,最沙膽就係着住條V字泳褲周圍走,佢咪係波叔個老婆、澳洲女星艾娜菲舒亞囉!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載