蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年09月06日

封Eason票房毒藥之冠
祖兒搵華仔救亡

【今日我至化】
票房差,祖兒睇到化晒啦,前晚都係專心唱歌,以免影響心情嘛。

容祖兒的樂壇天后地位近年似乎未有人可威脅,可惜她在影壇卻是票房毒藥,近作《DIVA華麗之後》票房慘淡。前晚祖兒直言派飛谷票房為時已晚,她更表明想跟影帝劉德華合作望改善演技,誓要撇除毒藥惡名,她又拉陳奕迅(Eason)落水:「講票房毒藥,Eason認第二,我唔敢認第一。」

容祖兒、林峯、陳偉霆和林欣彤(Mag),前晚在灣仔會展演出「新城數碼.巨聲靚聲音樂會」,Mag失聲久醫未癒,前晚她唱到高音時未能唱下去,她說:「呢段時間每句說話同問候我都記住,我信有奇蹟。」說畢即忍不住落淚。

壓軸出場的祖兒唱出多首國語新歌,其中《霧裏看花》講及愛情,她說:「過咗30歲有深切體會,最緊要相信自己,有時唔好理人點講。」

《DIVA》收400萬

祖兒擔正的電影《DIVA華麗之後》上映20日,票房截至前日只有400萬,難怪祖兒仍被稱為票房毒藥,近日鴻福堂免費送該片門票谷票房,完騷後問到祖兒此事,她說:「仲派?唔係差唔多咩(指落畫)?套戲係藝術啲,但有口碑,所以唔介意數字,一早預咗唔會好好。」同是票房毒藥的張栢芝,其新片《河東獅吼2》在港上映6日,截至前日僅收13萬。

30歲前受擺佈

祖兒續說歌手拍戲要有好成績很難,更拉陳奕迅(Eason)落水:「講票房毒藥,Eason認第二,我唔敢認第一。明年有機會同佢再拍戲,可能負負得正。」英皇楊受成和寰亞林建岳將在電影合作,兩人日前笑言不介意開戲給祖兒和劉浩龍合演,對此祖兒說:「我想同劉德華合作多啲,佢靚仔又係影帝,可以學嘢。」
至於在台上講及感情,祖兒謂:「30歲前我係扯線公仔,做乜都要令人滿意,但30歲後想為自己着想。」對於內地歌手馬愛媛暗示曾與林峯相戀,林峯說:「唔好玩我,唔識佢。」
採訪:胡比 攝影:黃偉雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載