› 選擇地區
三藩市
紐約
洛杉磯
其他美國地區
香港 台灣 北美
 
2012年09月10日

都是那些年:黎漢持嘔血保命

黎漢持雖然消廋,但精神十分好,他笑言是每日打坐練氣,養好身體。 攝影:仇志德

「好醜命生成」,黎漢持對此深信不疑,既是藝人又是風水師,當年就因為好奇促成他鑽研風水命理學。自言經歷05年開始的人生低潮,父母、太太、師傅接連去世,去年更經歷生關死劫,吐血5日居然死不去,反而愈吐愈精神。黎漢持希望從61歲開始轉運,可以行返10年尾運復出幕前。 撰文:何永寧

很難想像眼前61歲、6呎高的黎漢持當年曾經是香港籃球代表隊的得分後衛,他自言目前體重已經由去年最低的155磅回升到168磅,目標是再重多10磅左右。出身自左派鳳凰電影公司,不過生不逢時,不久香港電影開始式微,他便跳入電視圈加入麗的電視,即現在的亞洲電視前身,他說:「我記得25歲入行,28歲就簽咗麗的,嗰時係鮑姐鮑起靜介紹我入去,因為入面有好多熟人。嗰時都拍好多青春劇,好似《驟雨中的陽光》拍陳秀雯同佢老公林國雄,之後仲拍咗《大地恩情》,後來多得蕭笙叔囉,咪開始咗我嘅武俠人生。」

轉行做風水師

黎漢持被擅長拍武打片的蕭笙看中他6呎高的身形,先後找他拍了多套武俠劇《大內羣英續集》、《大俠霍元甲》、《再向虎山行》、《馬永貞》等,既做過忠得不能再忠的紅花會總舵主陳家洛、又演過下毒害死霍元甲的奸角。在拍戲期間黎漢持忽然對命理及掌相產生興趣,最後更成為職業風水師,他說:「你知做呢行好信命理風水,接觸特別多,我成日問自己點解有啲姐仔、哥仔,平時掛住玩去到廠就問個助導呢場拍乜,咁都有得紅嘅。最簡單嘅《黑白彊屍》個龍炳基同周星馳,一個好鬼懶嘅細路,一個就好勤力,但係點解懶嗰個會紅,呢啲就係條命生成。」

黎漢持由最初因好奇去讀命理書,到最後發現自己在這方面有慧根,便開始潛心修練,後來更開始替人睇相和風水。不過他接受訪問時笑言能醫不自醫,因為接拍了幾部鬼片令自己行了幾年霉運,他說:「其實我都計過自己40歲前有10年大運,本來都順風順水,不過中間諗住幫朋友拍咗幾部鬼片,記得有一部叫《蜈蚣咒》有李殿朗同苗僑偉演出,拍完之後打後幾年都冇人搵我拍戲,所以我同後生嘅藝人講,免得過都唔好拍降頭片同鬼片。」黎漢持話不是要導人迷信,只是以過來人身份跟人分享。

家人相繼離世

95年後黎漢持跟太太及子女移居加拿大,不過自05年開始,他像交了霉運一樣,差不多每年都有一個至親離世,先是父母、跟住到身邊的太太於06年辭世;到去年黎漢持踏入60之年的人生大關,在聖誕節期間忽然在家連吐5日血,吐出的血足足有兩杯半水杯那麼多,不過說也奇怪卻是越吐越精神,他解釋說:「醫生話係我後生捱壞咗,好多做三行嘅工人都會,佢話吐好過唔吐,因為吐出嚟嘅係瘀血,身體會自行康復,吐唔出嘅話通常都係得兩、三年命。同埋每個人一到零字尾嘅歲數都會有一個刧,過到因我平常積福同唸經唸得多囉。」
經此一吐黎漢持體重下跌了差不多20磅,現在靠每天早晚打坐練氣,體重已開始回升,閒時就多唸大悲咒跟心經為自己添福,希望練好身體可以隨時復出幕前行返10年尾運。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載