› 選擇地區
三藩市
紐約
洛杉磯
其他美國地區
香港 台灣 北美
 
2012年09月10日

蒙嘉慧學做姣婆

Classic Trench
$4,350
Legacy
Leather Tanner
黃色皮tote bag
$5,950

蒙嘉慧的時裝路,鍾愛硬朗、偏中性打扮,揀選手袋更有上膊跟身的癖好,皆因追求袋不離身的安全感,惟獨偶爾會愛用小型clutch bag瀟灑一會。蒙嘉慧愛淨色,今次示範的美國手袋品牌Coach中,便看中駱駝啡色設計,以便她襯喜愛的黑色服飾。不過淡口味多年,蒙嘉慧開始接受姣婆tone及圖案如豹紋print的手袋。

蒙嘉慧走冷色時裝主義,黑色是她的最愛,有一份爽朗、偏中性的瀟灑感覺,故飾物配件上她會微調多點色彩,她早前示範Coach手袋時受訪說:「平時買衫都係鍾意黑色,所以揀手袋會多番啲顏色,例如會白色皮袋襯牛仔褲,好似今年我都會用姣婆藍、姣婆黃,反而黑色袋得一個。」

肩袋有安全感

自言選擇手袋有點固執的蒙嘉慧說:「只鍾意shoulder bag,剩係得個手挽款我唔會揀,因為試過喺日本食飯,佢哋興將個袋擺喺枱下面啲間格,我試過成個袋唔記得拎,啲passport都要補領,家會用啲斜揹袋、腰包,就算辛苦啲,都可以跟身。仲有袋款都要中性款,有拉鏈間格,要有安全感。」
問會否接受男友代勞拎手袋,蒙嘉慧說:「我不嬲都接受唔到男士幫女仔拎手袋,我試過同男朋友有同一個背囊,佢見我嗰個重交換揹,我都會拒絕,可能我缺乏安全感,要自己跟身。」

夢想磨舊手袋

唯一轉變是蒙嘉慧開始對有圖案的設計感興趣,她說:「最近開始接受豹紋。」心目中的It bag?她說:「我覺得靚嘅手袋,幾時拎出嚟都覺得靚,好似Kate Moss(姬蒂摩絲)成日用一個磨得有啲舊feel嘅手袋,我都想買一個係羊仔皮,造到好舊、好vintage嘅手袋。」獨愛揹袋有安全感,不過對clutch bag則開綠燈,她說:「我覺得clutch bag好有型同瀟灑,會收藏同襯衫,一個長銀包clutch又易拎又襯到衫。」
對於示範的Coach秋冬手袋,蒙嘉慧愛駱駝啡色的設計:「我覺得黑色襯駱駝啡好襯,簡單同膚色好易夾,同埋多間格係我心頭好。」
採訪:梁錦雯 攝影:陳順禎
化妝:Dephine Chan
髮型:Coren of Hair Salon(利舞台)
場地提供:Coach(中環)

向師母致敬

Coach近年回春,不少設計都注入青春氣息,今個秋冬主力的Legacy系列,向60年代出任品牌創意總監Bonnie Cashin的作品致敬。Bonnie Cashin有美國運動裝之母的美名,更是第一個在手袋上飾以工業用金屬釦的設計師。
新袋的設計,有講究功能性的tote bag、圓筒線條的duffle bag,以及小巧的basket clutch及shoulder purse,全以極繽紛的鮮黃、藍、綠及紅為色基調。細節上,有加入流蘇網飾,又注入Bonnie Cashin當年的旋釦,結合過去與當代,仍然流露着曼哈頓的Big Apple摩登時尚。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載