› 選擇地區
三藩市
紐約
洛杉磯
其他美國地區
香港 台灣 北美
 
2012年09月12日

網民高唱名曲賀劉江華落選
小鳳姐:咁曳呀

近日各位的facebook相信都被前立法會議員劉江華冇得留低立法會的新聞洗版,各界以各種形式熱烈恭賀劉議員落選,部份網友將二次創作發揮至淋漓盡致境界,將跟劉江華議員名字差不多的資深演員劉江、劉德華及江華搬出來齊賀劉議員墮馬,甚至出動殿堂級歌手徐小鳳的《喜氣洋洋》來贈興,昨日小鳳姐被問到歌曲被惡搞時,她說:「咁曳呀?」

民建聯的劉江華墮馬未能在立法會連任,令全城不認同民建聯的市民齊歡暢,有人甚至到劉議員的辦事處開檳慶祝,而部份網友就在網上盡情以各式各樣的方式表達開心心情,其中有人將跟劉江華名字差不多的資深藝人劉江、劉德華及江華拿來做代表,將劉江華惡搞一番,齊來贈「㷫」。又有網友在劉江華辦事處門外高唱徐小鳳的歌曲《喜氣洋洋》來慶祝一番,唱道:「熱烈地彈琴,熱烈地唱……」

劉江:由得佢

記者昨日致電徐小鳳,小鳳姐因趕時間,聽到記者提及其歌曲被用來諷刺劉江華,叫記者稍後才致電給她。及後再找着小鳳姐,她聞得《喜氣洋洋》被網友借用惡搞,笑說:「咁曳呀?有少少曳喎!我都有留意選舉新聞,有人開心,有人唔開心。」
至於與劉江華名字差不多的藝人未有因被網民惡搞而感到不開心,當中在電視台被尊稱為劉老師的劉江昨日電話中笑說:「介意都冇用,都控制唔到,哈哈……由得佢。」問劉江對劉江華可有印象?他說:「冇乜,只係知佢個名同我差唔多。」那有否投他一票?劉江說:「呢啲要避忌唔講得,我係藝人,要中立,雖然我有立場。」

江華:笑唔停

江華則大讚網友很有創意,他昨日在電話中說:「我有睇過啲相,幾好呀,可以連串埋一齊,睇到笑唔停,諗得到啲咁嘅對白、畫面,仲有片㖭,好有創意,佢哋真係應該去拍戲、寫劇本。」以前江華甚少留意議員,只在選舉期間在街上見過橫額,反而覺得劉江華夠大方,江華說:「咁玩佢都冇發脾氣,氣度不小,有啲人真係會出嚟鬧,反晒面、黑晒面都有,佢幾有修養,真係唔簡單。」採訪:丁寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載