蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年09月16日
馬上成為壹會員

張可頤跳槽投王維基
茵媺坐正黐陳豪

【今日我至襯】
陳豪同陳茵媺呢一對,越嚟越多機會情侶檔出現,家《天梯》又寓工作於拍拖,已經好有老夫老妻feel,着埋民初裝襯到冇人有啦!

陳豪、陳茵媺(Aimee)及高海寧等昨日宣傳新劇《天梯》,由於劇中女主角張可頤過檔王維基的城電未能出席宣傳活動,令陳豪與陳茵媺情侶檔現身成為全場焦點,陳豪表示已習慣與女友同場,並希望可頤收看新劇以作支持。

陳豪、陳茵媺、高海寧及黃德斌等昨日於將軍澳宣傳劇集《天梯》,除劇中女主角張可頤過檔城電無法出席外,戀愛大過天的陳山聰亦冇到,就連監製李添勝亦直言無預兩人宣傳,李添勝說:「張可頤同第二間嘅合約已經生效,即使佢肯出嚟幫手,TVB唔會咁益佢哋做宣傳!咁山聰一早冇預佢宣傳,都唔知佢將來仲拍唔拍戲喇,你問我嘅我梗係想人齊宣傳喇!」

高海寧求女神留位

眾演員昨日即場大玩遊戲,陳豪與女友陳茵媺一上台即引來fans嘩然,陳豪坦言已習慣兩人同台故不會尷尬,他說:「已經唔係第一次一齊出嚟,總之出嚟做嘢都係公事在身。」對於張可頤未能出席宣傳,他說:「有少少政治因素,但佢如果可以開電視睇已經係支持!」穿起旗袍的高海寧直言十分喜歡該造型,對於其女神地位被取代,她說:「女神冇位喇畀人霸晒,咁岑麗香同苟芸慧都好靚,大家唔同類型,希望可以留返少少位畀我。」此外,陳茵媺昨日於慈雲山席單車安全活動,她表示未試過與男友陳豪踩單車,對於近日無綫躁底導演張永豪疑虐待劉蔚萱,惹來全城震怒,問到她可有被張永豪罵過時,陳茵媺說:「我會明白有時因為製作過程趕所以比較,不過幾時出手都係唔應該。」

陳茵媺撐躁導道歉

張永豪和劉蔚萱前晚已握手言和,陳茵媺表示:「我覺得道歉係一件啱嘅事,希望下次唔好再發生,演員同導演係要有個合作性。」採訪:王崇穎攝影:黃文偉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載