蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年09月16日
馬上成為壹會員

我主場:
負評港姐張名雅急洗惡名

黃心穎、張名雅、朱千雪、湯洛雯經歷了普選港姐冧機風波,待人處事都變得份外成熟。
攝影:陳順禎
髮型:Derek Cheung@Hair

應屆港姐張名雅、黃心穎、朱千雪、湯洛雯經歷香港小姐選美工程的洗禮,還有突發性的普選冧server風波,都被訓練得成熟剔透,亦意外地令觀眾加深印象,參選時負面新聞不絕,令奪冠的張名雅民望插水,季軍朱千雪反成為民意冠軍,如今一切已成定局,四人都磨拳擦掌,靜候機會,準備好在自己的星途上隨時起飛。
撰文:羅美倫

張名雅有人讚靚

經過冧機風波,張名雅的冠軍身份終被確認,只要偶然在街上遇到支持她的人,已令她重拾自信,她說:「有個姨姨話我好靚,點解咁似香港小姐張名雅嘅,我呆一呆答佢係,佢即刻講鼓勵說話,好開心佢有留意我哋,對港姐仲好熱情。」不得不承認冧機風波反而令更多人對今屆港姐留印象。

「我冇整容」

說到參選時的整容、攬仔負面新聞,張名雅誓要做好港姐本份洗惡名:「一定有呢啲新聞,嗰次嗰個係我表弟,有時覺得搞笑,惟有用正面態度去諗,同朋友出街係正常交往,冇做過唔擔心,我亦冇整容,相由心生,對自己有信心行出嚟都靚啲。」
做好港姐本份的同時,張名雅亦渴望拍劇,問她想演甚麼角色?她笑言:「都想拍《皆大歡喜》呢類家庭劇,等觀眾對我認識深啲,之後想試吓律師、醫生,奸角都想試,哈哈!」最想跟誰合作?張名雅雀躍說:「黎耀祥、汪明荃啦,仲有林峯、陳展鵬都好。」想做他們的女友?張名雅笑嘻嘻說:「妹妹都得嘅!」

黃心穎訓練EQ

亞軍黃心穎似旁人般陪伴張名雅、朱千雪度過冧機風波,她承認參選後令自己變得成熟,尤其是看輸贏得失:「我細個好勝,家發覺只得一個會贏,但唔可以輸咗一世唔開心,家人會擔心,其實輸贏唔重要,贏有好多定義,例如學到嘅嘢第時用番。」在參選期間黃心穎已參透此真理,故比賽當晚出奇輕鬆,反而令她有意想不到的好成績。

懶理批評

在外國讀書猶如在溫室長大,受保護的黃心穎終見識到真正的世界,她坦言最大得益是EQ方面的訓練,她笑言尤其要面對記者,那是否不接受被人批評?她坦言:「初時唔開心,會驚,但之後知道一定有人唔鍾意,有啲批評可以令自己改進,家用搞笑方式接受,當冇嘢,我以前都會咁批評人,嘩,佢件衫咁核突嘅,呢啲係好平常嘅事,啲人就喺選美時望住張相同資料批評你,當晚我就係要表現畀人睇我係點,家要批評人,我都會睇耐啲先。」

朱千雪唔會認命

一切已成定局,朱千雪雖是民意冠軍,最終只是季軍,朱千雪坦言有獎已很開心,沒想過要推倒重來得冠軍。問她是否認命?她笑笑說:「冇話係認命,開心努力令自己入到三強,呢個結果已經係個榮耀,人哋話應該係冠軍,我只係開心有人支持。」在得獎佳麗中,朱千雪從未有過負面新聞,但她不認為這樣可以得更高名次:「冇人想有太多負面新聞,或用呢啲新聞去提升任何人氣,我一直都唔介意有冇新聞。」

膽量大增

有說劉德華回巢拍的那部劇安排朱千雪演出作安撫,她笑說:「唔敢咁諗,佢真係返嚟拍都好多人爭住做,我經驗淺,有咁嘅機會自然好啦!」她直言想拍劇:「拍就一定想拍,因為未試過,想試多啲嘢,但都想履行港姐責任先。」近乎零演出經驗的朱千雪,讀書時曾試過演只有一句對白的舞台劇,她承認膽量不夠,但選完港姐見識多了,信心大增,她盼將來有機會跟林峯、鍾嘉欣、胡杏兒及徐子珊等學習。

湯洛雯重新振作

大熱倒灶只奪旅遊大使獎的湯洛雯,輸掉比賽也曾失落過,但很快又重新振作起來,她說:「比賽得就預咗有輸贏,要有心理準備,對我嚟講比賽同之後條路點走係睇得好開,咁多佳麗只有三個得三甲,有獎都開心,證明自己有努力。」事實上高海寧當年也只拿下旅遊大使獎,現在成績有目共睹,足可讓湯洛雯借鏡。

進修迎戰

有湯鎮宗這個藝人爸爸,自小訓練她做事不會太執着,她說:「屋企人嘅性格都係『是但』,唔會執着某啲嘢,我係好快就開心番嘅女仔,但爹哋都留咗啲幾感動嘅說話畀我,話名次唔緊要,讚我已經做得好好。」在湯鎮宗眼中,湯洛雯已長大,很多事包括前途、事業都放手讓她自由發揮,她說:「爹哋覺得我仲有青春,不如自己揀自己決定。」在港姐合約這一年內,湯洛雯等待任何機會,

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載