蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年09月19日

破戒做女模硬晒
林恬兒被阿媽彈唔掂

染了一頭金毛的鄧愛嘉(右)操刀為顧婭棋拍攝照片。

名人後代多靚女,林建岳和謝玲玲所生的女兒林恬兒,早前為相展獻出第一次,做模特兒拍攝靚相。她前晚在活動上,表明無意入娛樂圈,更不會簽老竇公司,在銀行任職銷售經理的她,滿足簡單生活。同場四洲太子女戴凱欣則表示內地廠房沒受到反日市民攻擊,風平浪靜。

林建岳女兒林恬兒、張燊悅、名模顧婭棋(Masha)等,前晚在中環出席Roger Vivier攝影展。首次出鏡做模特兒的林恬兒,在相中穿短裙,性感高貴,她表示因好友鄧永鏘女兒鄧愛嘉操刀做攝影師,才肯出任模特兒,並謂當日媽咪謝玲玲都有在旁指導她,林恬兒說:「有請教媽咪,因為第一次做model,媽咪教我要自然啲,唔好咁生硬,佢話我成個人僵硬晒喎。」

戴凱欣生意無礙

林恬兒透露工作近況:「我喺銀行做sales manager,其實已經做咗三年,好開心。」爸爸林建岳是娛樂大亨,問可有興趣入娛樂圈,她說:「唔會喇,我家做嘢好開心。」
四洲集團太子女戴凱欣前日生日,前晚大會送上蛋糕恭賀她。戴凱欣早前甩拖,問到生日可想有新戀情,她說:「隨緣啦。」近日內地反日浪潮激烈,更衝擊日本品牌和日資廠房等,戴凱欣表示不擔心:「生意冇乜影響,都唔擔心,因為好多食品都係自己生產,唔係日本嗰面做。」她表示廠房沒受到襲擊:「聽講風平浪靜,內地人都係自己人。」

鄭詩韻馬會受氣

同場榮文蔚表妹鄭詩韻表示沒見表姊,反而狂呻在香港賽馬會會所遇到不平事件,她說:「Family day喺馬會會所,搵位食嘢時,有個60歲左右嘅女人,三個人霸咗張大枱,我哋想坐,佢鬼咁惡咆哮我,我想用手機影低佢嘅惡行,點知佢老公就搶咗我電話,一直唔肯畀番我,後來餐廳經理調停先還畀我,但經理要記低會員編號,佢仲拒絕,好離譜。」
採訪、攝影:林嘉慈

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載