› 選擇地區
三藩市
紐約
洛杉磯
其他美國地區
香港 台灣 北美
 
2012年09月21日

JJ 30歲生日
樊少皇玫瑰攻勢得米

39歲的樊少皇隱瞞自己有家室,令新歡賈曉晨(JJ)哭成淚人。不過樊少皇女有一手,很快便令JJ態度軟化,昨日踏正凌晨12時又再度出冧招,在微博送上大束玫瑰花給女友做生日禮物,難怪JJ昨日出席活動時一臉甜絲絲,願望只求與男友相見。

樊少皇和賈曉晨上月傳出戀情,男方隨即被踢爆育有一子一女,並在杭州有親密女友,令JJ頓變小四。雖然外間不睇好這段情,但樊少皇一直好努力維繫,早前接受電視台訪問時高調示愛,揚言對JJ的愛是堅定的。

微博傳情晒幸福

雖然好肉麻,但JJ全部照單全收,昨日是JJ的30歲生日,樊少皇繼續送上驚喜,踏正凌晨零時在微博放上一張手持玫瑰鮮花的相片,並寫着:「Happy Birthday!(生日快樂)」JJ即回覆:「收了。」力證二人感情未變,依然甜蜜。
JJ昨日在長沙灣擔任高爾夫球活動嘉賓,提起男友越洋送花即一臉冧爆笑不停,她說:「兩個人感情唔可以用錢去衡量,最可惜係佢要喺青島工作,邊個女仔拍拖唔想男友陪過生日,但應承咗人唔可以推,我都好明白。」JJ坦言各有各忙,與男友甚少見面,兩人幾乎恍如網戀,問到會否擔心男友出軌?她即自爆多人追:「我諗佢擔心多啲,有好多男仔追我㗎,每一個人未結婚都仲有希望,唔會抗拒任何人追求幸福嘅權利。」

人肉速遞解相思

JJ透露男友樊少皇要拍劇至11月才有空,有時間她會到內地探班,問男友可會為她補祝生日?她撒嬌說:「佢話有時間就會陪我,我都唔知佢幾時有時間㗎,我都好想知。」問JJ想收甚麼生日禮物時,她甜絲絲說:「呢一刻可以見到佢已經好開心,物質嘅嘢,我可以滿足到自己,大家啱啱拍拖都想見多幾次,不過暫時想見都幾難。」
採訪:王崇穎
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載