› 選擇地區
三藩市
紐約
洛杉磯
其他美國地區
香港 台灣 北美
 
2012年10月13日

楝篤笑圈中同性戀事
卓韻芝撩柏豪生仔

卓韻芝前晚在灣仔伊館舉行一連兩場棟篤笑,搞笑話題明辣圈中好友,像談到同性戀就擺了何韻詩及藍奕邦上枱。講到基因時卓韻芝更公然挑逗在座的周柏豪,她直言想要同樣愛寫作的柏豪基因,合體後可生如莎士比亞的結晶品。

卓韻芝一連兩場「罪該萬死One Night Stand」,前晚在灣仔伊館開鑼,商台話事人俞琤、林海峰(Jan)、許志安、蘇永康和周柏豪等現身捧場,全場約九成滿。

寸劉浩龍奪愛

阿芝在騷上提到同性戀問題,她說:「下晝個朋友帶佢八歲女嚟,佢話懷疑個女係lesbian(女同性戀),咁我咪問佢鍾唔鍾意何韻詩,點知佢答最憎劉浩龍。」阿芝又講到之前令港女瘋狂的A&F男模:「啲公關話我知香港女係最狼,真係well done HK。又有個男仔問女朋友,模就唔摸得,但A&F男模就摸得,女仔咪答話因為啲男模啲波係真,仲叫男朋友唔好鍾意假LV。」
之後阿芝又指時下不少人會逼身邊人睇BB相,她指生BB要考慮有甚麼基因遺傳給BB。說畢她走到台下問俞琤:「你留乜DNA畀Jan?」但兩人沒有反應,在旁的安仔見狀即示意阿芝走,但她當然不放過:「Sammi(鄭秀文)有乜基因值得留低?」安仔只笑着說:「我唔知。」當見到藍奕邦時,阿芝笑言:「你嘅基因係比較基定比較因。」此話一出即令藍奕邦一臉尷尬。

「我想要你基因」

最後阿芝走到柏豪身邊出言挑逗說:「你有乜基因?我想要你嘅基因。」柏豪聞言笑稱:「我係鍾意寫嘢。」阿芝即說:「咁啱我都鍾意寫嘢,match埋咪變莎士比亞囉。」
完騷後阿芝在後台接受訪問,談到騷上讀出舊愛給她的分手信,即令人聯想是否Mr.的MJ?她說:「唔係,信中對方講好鍾意去健身,佢(指MJ)應該冇,不過佢真係要做吓。」早前黃子華才在紅館開talk騷,會否擔心票房及內容被比較?阿芝直言黃子華屬博士級,又講政治,香港的確需要一把這樣的聲音。
採訪:李珮洳
攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載