› 選擇地區
三藩市
紐約
洛杉磯
其他美國地區
香港 台灣 北美
 
2012年10月16日

送身份證冧黎芷珊
伊健親證明年娶YoYo

伊健與黎芷珊再見亦是朋友,在節目內大談舊情。

黎芷珊主持的《最佳男主角》播出後獲得好評,其中一集她訪問舊愛鄭伊健,大談前女友邵美琪及梁詠琪(GiGi),還有即將結婚的蒙嘉慧(YoYo),他終親證明年娶YoYo。黎芷珊更爆伊健不惜送上身份證給她作生日禮物。

鄭伊健自入行後先後跟黎芷珊、邵美琪、梁詠琪及現任蒙嘉慧拍拖,段段感情皆刻骨銘心。日前伊健接受黎芷珊主持的節目《最佳男主角》的訪問,當中亦大方談及幾段情。黎芷珊形容伊健給人好男人的形象,尤其當年承諾照顧邵美琪一生一世,可惜最終分手收場。會否因此改變對愛情的睇法?伊健謂:「咁又唔會,我嘅父母都係第一次拍拖就結婚,我真係想做到,不過大個咗就發現人生唔係想像咁簡單,同埋每個人嘅際遇都唔同。」

與GiGi愛得轟烈

提及當年「奪面雙琪」和GiGi的一段情,伊健直言以轟烈來形容兩人的一段情:「每一段關係係要靠雙方,同埋亦有好多元素,唔係咁簡單。」
至於現任女友YoYo,伊健直認兩人會在明年結婚:「好多人話我貪玩,但佢比我係兩倍。總之我覺得係佢就係佢。」他又指兩人相處之道是互相遷就及珍惜。

黎芷珊讚穩重男

談到大家之間的舊情,黎芷珊形容伊健是很有心思的人,節目中大爆當年跟他拍拖時收過很特別的生日禮物,她說:「嗰份禮物就係佢嘅身份證,佢話要將自己最寶貴嘅嘢送畀我。」不過伊健此舉驚喜有餘,但隨時觸犯法例,估計他可能是把身份證送給黎芷珊,再報失申請新的身份證。黎芷珊指伊健性格依舊,但卻比以前穩重,因此她恭喜蒙嘉慧可以在這個階段認識伊健。
撰文:葉雪

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載