蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年10月26日

馮仁昭四圍超:
黃翠如埋堆擦蟹冧拍檔 - 馮仁昭

黃翠如再喺新劇擔正做女主角,同黃浩然會有好多對手戲。

黃翠如同黃浩然等一班演員噚日喺將軍澳電視廣播城試造型,佢之前已經擔正做《心路GPS》女主角,家又擔正拍無綫新劇《師父.明白了》,由有線過檔無綫嘅黃翠如聲價十倍,唔單止一劇接一劇做女主角,跟住又同洪永城齊齊去拍旅遊特輯,唔怪得有報道話佢係高層余詠珊嘅愛將,因為咁搞到其他同事睇唔過眼,群起杯葛佢。馮仁昭梗係問番黃翠如,佢例牌否認:「冇杯葛,我同啲同事關係好好,噚晚仲一齊食大閘蟹兼慶祝我生日。」不過佢承認呢啲新聞令佢有壓力:「我預咗喇,只希望做好啲唔會再有,我呢啲小人物係因為有title先多人識,我冇後台,只係掂到啲好勁嘅後台。」

黃浩然唔做親生仔

戴咗頭套試造型嘅黃浩然話拍完《初五啟市錄》先會剃頭,有冇擔心影響頭髮再生能力?佢話:「唔會,反而仲濃密咗。」黃浩然一直喺無綫嘅發展唔錯,問佢會唔會考慮簽無綫做親生仔?佢話:「暫時唔會喇,家嘅合作關係好好,點都係主力拍無綫劇。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載