蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年10月29日

都是那些年:鄭敬基寡佬愛自由

50歲的鄭敬基在加拿大專心事業發展,感情未有着落。

鄭敬基(Joe)的名字,大家未必有深刻印象,但他那首《酒杯敲鋼琴》必定勾起不少人的回憶,Joe九年前淡出香港娛樂圈到加拿大多倫多生活,但依然活躍,從前被形容為香港占士甸的一個唱歌小子,如今已變成電影發行公司的高層,身份雖變但心境未變,依然繼續追尋自己喜歡的生活方式。
撰文:羅美倫

當年男子組合「風雲」的小伙子—鄭敬基在樂壇追逐理想,憑獨特的沙啞聲線在樂壇發展不俗,被稱為香港占士甸,跟女歌手黃寶欣合唱的《酒杯敲鋼琴》更是hit歌,歌而優則演,Joe在98年拍的電視劇《烈火雄心》演的司徒拔一角,與錢嘉樂、王喜三個熱血消防員形象深入民心。經歲月洗禮,Joe已是50歲的中年男人,也由幕前人轉型做幕後管理層。

移民接受挑戰

90年代中,Joe一家四口移民多倫多,即擔任多個電台清談節目主持人,及後更成為電台節目總監。其間他亦有返香港拍戲,包括為人印象深刻的《烈火雄心》、《九五至尊》等,直至08年接受新挑戰,擔任了全加拿大第一個二十四小時全高清數碼中文電視台加華視訊WOW TV的電視節目總監,至2010年Joe離開WOW TV,與幾位朋友合資成立網台inix.tv做起老闆來,不過剛在九月他又淡出只擔任網台顧問,再接受另一份挑戰,出任華獅電影發行公司的多倫多分公司總經理,負責全加拿大的發行業務。Joe在長途電話中說:「淡出inix.tv,畀啲後生仔玩,我就試下做未做過又喜歡嘅事,其實做網台啲客戶直播都有啲錢賺,但我仲有仔有女,既然有個好機會嚟到,咪試下囉,之前都有掙扎過,見到存款得番少少喎,叮叮聲響警號,就會有啲緊張,係咪要返香港拍嘢呢?通常呢啲情況都係做番自己最擅長嘅,返香港都OK,我都有同仔女商量,個女話冇所謂,後來我決定留低佢就話好開心。」原來唱歌叻的Joe很喜歡看電影,一年睇近100部,因覺得可透過電影警惕幸福可以突然失去,但亦會否極泰來做人不用太灰。

搵雯女做訪問

Joe口中的子女原來都分別22及18歲了,但他多年前離婚一直未有再婚,在香港曾與鄧萃雯、鄺文珣拍過拖,反而在多倫多專心發展事業,他亦不急於搵個伴侶:「呢兩年都冇,我人生中出現好幾段感情,對方都盡心愛過你,又離咗婚,有個曾經好愛自己嘅太太,我家同佢、佢先生都係好朋友,仔女同我又好好,一個人唔係成日要諗感情,咁大個仲諗童話故事咩。」不過Joe的朋友見他寡佬一名,怕他悶曾安排相睇,Joe說:「試過一次安排食飯,感覺好怪,佢哋有心做,但我冇反應,我幾鍾意家咁,一個就嚟五十歲嘅人,唔會成日諗自己夠唔夠靚仔夠唔夠瘦,呢個年紀要做令自己開心嘅嘢,諗拍拖唔係令我開心嘅事。」沒有感情着落的Joe,跟前妻仍是好朋友,早前鄧萃雯到多倫多,亦接受Joe邀請上了電台做嘉賓,Joe笑言:「知佢嚟就搵佢做訪問,通常都得嘅,因為冇乜唔好嘢做過嘛,哈哈……」

不懷念唱飲歌

轉型做了電影發行公司高層,但Joe叫人最難忘的,還是他的飲歌《酒杯敲鋼琴》,問到可有去登台表演,Joe笑笑說:「間中有去美國登台,啲香港代理仲有搵,可能貪近啩,其實我自己就唔係好掛住呢啲歌,反而我生日啲朋友係咁叫我唱,好鬼煩,係要奚落我,不過大家真係好記得呢首歌。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載