蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年11月04日
馬上成為壹會員

細路不識劉天王 華仔失威

陪伴51歲劉德華成長的粉絲已應該步入中年,雖然他的粉絲年齡層面廣,但原來也有小朋友不知道劉德華是誰。昨日華仔和過千名小朋友出席慈善跑活動,被小朋友當面問誰是劉德華?逼得華仔要起誓:「由今日開始吸引佢,要喺佢懂性之前知道劉德華係邊個。」

劉德華、林海峰、葛民輝及一班商台DJ昨日在跑馬地出席「兒童愛心馬拉松」活動,現場有超過4,000名三至十二歲的小朋友及其家長,華仔在台上和幾名小孩示範熱身操。

視阿葛腹肌為目標

事後華仔自爆在後台排演體操時遇尷尬事,他說:「頭先喺後台有個小朋友問我劉德華係邊個,我答係我,個小朋友唔信,我伸手同另一個小朋友握手,佢又擰歪面扮睇我唔到,個小朋友好似盲俠上身咁,我要由今日開始吸引佢,要喺佢懂性之前知道劉德華係邊個。」不過華仔表示天下間的小朋友都很可愛,所有都值100分。

減肥成功後的葛民輝被指外貌跟華仔有幾分相似,華仔也讚軟硬有型,當知道阿葛練到有腹肌,他即笑說:「我都想似佢咁有型,我排朱古力冇咗好耐,我會視阿葛為目標。」林海峰聞言笑說:「全世界人都覺得華仔最有型,佢話第二個有型,係最唔能夠相信嘅事,不過阿葛家係有少少型有啲似劉華,但全世界都視華仔為目標,佢咁講係世界末日先兆,世界變啦。」阿葛也戲言:「我排朱古力都溶溶哋,根本係扮成型。」

另外,阿葛將會和蘇志威合作出有關減肥和練腹肌的書,他說:「我同蘇志威研究過,會出本書講點練成腹肌,仲想揀埋蘇基(古明華)做代言人。」
採訪:魯萍
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載