› 選擇地區
三藩市
紐約
洛杉磯
其他美國地區
香港 台灣 北美
 
2012年11月04日

阿Sa教阿嬌 寸陳冠希花心

新城勁爆頒獎禮記者會昨日於黃埔舉行,鍾欣桐(阿嬌)被問到陳冠希(Edison)有新女友一事時,依然以「冇回應」作答,蔡卓妍(阿Sa)即出口相助說:「你應該答,好出奇咩!」暗寸Edison花心。

將於下月27日在會展舉行的「新城勁爆頒獎禮2012」,昨日請來一眾歌手到黃埔出席記者會,席間宣佈容祖兒奪新城勁爆播放指數大獎(歌手)、吳雨霏獲新城勁爆播放指數大獎(歌曲)、周柏豪奪演繹大獎、G.E.M.憑《Xposed》得年度專輯。
蔡卓妍透露剛由新加坡返港,故未有時間欣賞男友主演的電影。問到鍾欣桐知否陳冠希有新女友?她說:「唔知、唔回應、唔關我事。」又指不會因別人拍拖而去找男朋友。在旁的阿Sa笑笑口說:「你應該答,好出奇咩!」似在暗寸Edison有新女並不出奇,追問她是否指Edison花心?阿Sa說:「唔係,順口講句啫!」

祖兒承認大細超

有指祖兒與劉浩龍(師兄)拍拖後,與何韻詩反面,日前祖兒與阿詩出席時裝活動時大方合照,反而祖兒在商台記者會上不肯與師兄合照,記者即指她大細超,祖兒解釋:「難得一個活動咁多朋友一齊又冇記者,影張相唔會諗咁多,我哋有打招呼。我自己有啲反叛,你哋迫我反而唔想影。」問她下次會否與師兄合照?她說:「睇心情啦,成日問我會抗拒。」

羅力威被借宣傳

此外,蕭定一反對雨僑與羅力威拍拖,並以二打六形容男方,羅力威說:「邊個有呢啲稱號都唔開心,我會輕鬆幽默咁帶過,佢嘅事我唔會回應。」其經理人則代霍汶希傳話,指對方電影宣傳完畢,事情便會過去。阿嬌亦撐羅力威並非二打六,而阿Sa則笑指最多是二打一。
採訪:李珮洳
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載