蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年11月14日
馬上成為壹會員

星遊記:區文詩東京掃食

區文詩在東京一日食十餐,最後梗係飽到嘔啦!

區文詩(Angela)早前去東京喪食三日,每日食足十餐撐到肚滿腸肥,不自量力的她結果飽到嘔,被迫留在酒店休息,她說:「三日肥咗五磅,真係好誇張。」撰文:皓騫

早前區文詩和老外男友跟幾位好友去東京三日遊,為了爭取時間吃喝玩樂,他們搭凌晨機出發,Angela說:「清晨落機啱啱好,食完嘢就即刻行街,今次住半島酒店,銀座真係好舒服。」因很多品牌在香港都有折扣,故她並沒有瘋狂濕平:「反而買咗好多調味料,好似麪豉、昆布、密封嘅真空魚,香港貴成20%。」

獲利回吐

Angela此行喪食為主,每日食足十餐,結果肥了五磅返港。適逢男友即將生日,一行人還去吃意大利菜慶祝,Angela說:「早餐食完壽司再去超市逐件掃,午餐喺地鐵嘅拉麪街每間食一碗,之後再食蛋糕、豬扒飯、雞翼,每一秒都係食,真係好恐怖,結果我飽到要返酒店嘔。」

為了幫助腸胃消化,Angela和友人們食飽就喪行街,經過LV店前還拍照留念,用來做手機wallpaper,她說:「我哋仲去咗竹下通,有日本電視台做緊街訪,佢哋捉住我訪問,但大家溝通唔到,幾好笑。」Angela此行還買了去紋面膜送給電台節目拍檔李志剛,她說:「日本護膚品好出名,希望幫到佢,嘻嘻。」

去邊度:東京
玩幾耐:三日

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載