› 選擇地區
三藩市
紐約
洛杉磯
其他美國地區
香港 台灣 北美
 
2012年11月23日

黃浩爆有藝人食肆吸毒

昨日有傳有藝人曾在徐淑敏老公黃浩經營、位於銅鑼灣的食肆吸毒,據知餐廳VIP房有閉路電視拍下過程,消息指近日有兩名前員工向黃浩勒索,聲稱擁有藝人吸毒短片,昨日本報記者致電向黃浩求證,問是否有藝人在其VIP房吸毒?他說:「任何人喺我餐廳作非法活動,我唔會姑息,一定向警方舉報,當日有班名人、藝人配偶喺入面捲煙草,有啲丸、粉,我唔知乜嚟嘅,我將啲嘢交畀律師同警方,家唔方便作答,進入司法程序。」

林莉嘆可憐

事件引起娛圈中人議論紛紛,昨晚葉佩雯抵北角海逸酒店受訪時說:「唔回應。」有否去過該餐廳?她說:「好耐之前去過一次,唔記得幾時。」對於有藝人吸毒,葉佩雯說:「唔關我事。」日模松岡李那和韓模蔡恩真昨晚說:「唔知道,如果係真,就真係黐線,食肆個個都會見到。」松岡又表示和經理人曾在內地見到有人吸毒,經理人即喊住走。同場的林莉說:「冇聽過,我本身唔食煙,喺食肆咁做太過份,借藥物麻醉自己好可憐。」何超儀則透過助手表示沒做過這樣的事。

昨晚《紮職》演員在灣仔宣傳,曾吸毒的吳浩康說:「冇聽過,係唔係真都唔係咁好,對身體唔好,而且犯法,唔支持。」陳偉霆和溫碧霞也指藝人不應吸毒,會影響形象教壞粉絲。
採訪:溫敏芝、胡比、張俊銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載