蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年12月03日

都是那些年:江華退而不休

江華為影音使團拍電影《魔術師的寶貝》,他不計酬勞只做應該做的事。

在無綫、亞視都有過事業高峯的江華,近年仿似退出娛樂圈般低調,原來他減產是因不想再做滿足不到自己的工作,倒不如轉為栽培人才,江華慶幸有個了解自己的好太太,讓他可以退而不休,心無旁鶩地追尋自己的理想與樂趣。
撰文:羅美倫

江華86年亞視藝訓班畢業後擔演過不少劇集,90年更憑電影《但願人長久》奪得香港電影金像獎的最佳新演員獎,96年過檔無綫拍第一部劇集《西遊記》,給唐僧一個有血有肉的新形象,03年《九五至尊》的李大蝦大受歡迎,但04年拍罷《楚漢驕雄》演過項羽後,江華毅然離開無綫返內地拍劇。

太太無條件支持

江華回想這個令人意外的決定,他認為理所當然:「係經年累月覺得喺無綫做到個人冇生命力,唔鍾意嗰種感覺,我想要我認為有意義嘅製作,無綫畀唔到我,唔想為咗生活做落去,冇意義。」江華坦言接拍《楚》劇時,陣容鼎盛,有鄭少秋、李添勝等名牌,可是原本說好的千軍萬馬,變成只得一個千軍及一個萬馬,他說:「有時有火熱嘅心做好件事,但團隊配合唔到就好攰,咪自己離開囉,人生匆匆呀!」
江華就像藝術家般為理想離開無綫,也笑自己這種性格餓死多過跌親,幸得到太太麥潔文支持:「我有個好太太,佢唔會話你唔做冇收入,佢好明白我,知我唔係不負責任嘅人,從冇畀壓力我,等我可以做自己要做嘅嘢。」江華近年劇集產量大約一年只有一部,原因是他有要求,不想自己像在工廠返工,9月時,他去了新加坡拍影音使團電影《魔術師的寶貝》,做他認為應該做的事。

開班教學生做戲

入行26年,江華有兩段輝煌歷史,臨跳槽無綫前,他的《郎心如鐵》、《九王奪位》在亞視黃金時段上、下線播都有好收視,當時就有人說笑亞視正值「江華年代」,為了延續佳績,江華事事有要求,他早前開設了「戲道」培育新人,也與別不同,江華笑說:「已經收生年幾兩年,要講緣份,唔係純開班收學費㗎,係有好多人報名,但唔係我想教嗰種,睇嚟唔會賺到錢,但賺到錢就更好啦。」

成功男人背後總有個了不起的女人,麥潔文為江華將家裏的事打理得熨熨貼貼,今年正是二人結婚20周年紀念,江華直言感激太太的支持:「呢個感激一路都喺心,唔係某次、某天至有,人生年少總有輕狂舉止、無知行為,重要係大家點一齊走人生路,要大家有包容、寬恕、欣賞嘅心,夫妻好似係兩個人,結咗婚就應該變成一人,你諗你、我諗我就難走落去,雙方都要必然而又自然咁付出。」

不覺得似劉德華

提起江華,難免令人想起劉德華,問覺不覺得自己似劉華,江華笑說:「一路都唔覺得似,記得03年有活動同劉華一齊出席,記者問我覺得似唔似,我話兜口兜面唔覺似,可能某啲神態似啦,但記者訪問劉華時反而佢話似,如果我真係扮劉華,點扮到咁耐吖!呢個真係我嚟㗎,哈哈哈!笑吓算啦!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載