蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年12月08日

鍾嘉欣隨緣好運來

鍾嘉欣努力演好角色博得觀眾支持,爭獎信心大增。
攝影:葉君海
場地提供:ifc
服裝提供:Ferragamo
髮型:Eas Fu of CHIN.G
化妝:Kenny Cheung

鍾嘉欣微博坐擁123萬粉絲,facebook有728,889個人讚好。論人緣、講人氣,普選視后,嘉欣絕對有機可乘。黑馬嘉欣以本年度最高收視劇集《護花危情》中的創傷後遺症癡情女病人喬子琳提名最佳女主角,博得觀眾的支持和掌聲,嘉欣BB信心自然返晒嚟。

相關新聞:戲如人生

失一提名難免失望

入行八年,除了09年,鍾嘉欣連續六年入圍《萬千星輝頒獎典禮》最佳女主角提名,以及五年獲提名我最喜愛的電視女角色。今年嘉欣只獲提名最佳女主角,她說:「老實講我係有啲失望,好多時有女主角都會有埋最喜愛女角色,我今年有四部劇,以為一定都會有喜愛女角色提名。」
雖然只有最佳女主角提名,歌視兩棲的嘉欣BB,應該有不少鐵票支持,她說:「我好感謝粉絲,唔單止微博有內地fans,香港都有,4歲至28歲最強,老人家都有,好多推點心、的士司機、超市同街市觀眾,可能我會做番平常人做嘅嘢。我覺得都有機會,冇嘢係冇可能,就好似喬子琳呢個角色咁受歡迎同咁好成績,都係估唔到。」
有指徐子珊和楊怡是嘉欣BB的攔路虎,嘉欣說:「都係平常心,入行越耐我就越發覺唔係到你控制,所以我乜嘢都隨緣,隨緣所有嘢都會嚟,你越緊張就有包袱有壓力,就越做得唔好。」
事實上,嘉欣演技日趨成熟,《護》劇演繹喬子琳進步神速,以往總是哭得呼天搶地,喊到全面口水鼻涕的嘉欣,已經是過去式。

鑽研演技喜獲認同

嘉欣說:「冇一套電影有個咁嘅角色,外國女星姬絲頓史釗域(Kristen Stewart)個人係好奇怪,講嘢好急,呼吸好重,我就學咗佢嘅動作,再加少少鍾嘉欣緊張嘅時候係點,嘗試唔好再歇斯底里去喊,要喺入面痛。開頭我唔慣,好冇信心,點知導演話OK。出街嗰時好擔心人哋唔鍾意我,好彩大家好接受,所以,所有嘢都係估唔到㗎!」
撰文:楊潔雯

相關新聞:視后專題:徐子珊愛拼才會贏

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載