蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年12月23日

顧冠忠娶陳靖允喊唔停

拍過不少武俠片的邵氏演員顧冠忠,跟前妻育有一子一女,昨日跟亞視前藝員陳靖允成婚,二人去年成為創價學會會員,並特別選擇在世界末日後於旺角進行創價學會結婚儀式,並招待約60名親友到場觀禮,包括馮素波,陳靖允亞視之友劉錫賢、黃美芬和黃素歡。
婚禮在早上11時進行,一對新人接受親人好友台上致賀詞,再到台上獻唱,新娘子特別準備了《月亮代表我的心》送給丈夫,唱歌時二人情深對望,最後手拖手一齊唱。顧冠忠自爆因太緊張兩晚失眠,而且可能太感動,他更全程喊唔停。陳靖允在台上自爆說:「我哋喺埋一齊時間真係好長,有鬧交,有打交,最後都喺埋一齊,即係代表你係我嘅,我係你嘅!」

「還佢一個心願」

陳靖允表示特別揀選世界末日後成婚,她說:「見到21號末日,唔係世界末日,咪即係重生,加上我地喜歡2字,我老公係2月22日生日,結婚又係12月22,好易記。」顧冠忠說:「同佢識咗15年,想畀個名份佢,其實諗住舊年簡簡單單結,點知佢個妹要爬頭,見佢哋婚禮咁有型,咁大家姐出嫁,都要還佢一個心願。」
一對新人晚上於旺角擺酒,出席的嘉賓包括狄龍、夏春秋、麥景婷和邵氏年代藝人谷峰等,約8時左右新娘穿上婚紗出場,兩人更再次嘴嘴歷時九秒九。
採訪:楊潔雯
攝影:黃偉雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載