› 選擇地區
三藩市
紐約
洛杉磯
其他美國地區
香港 台灣 北美
 
2012年12月25日

馮仁昭四圍超:
唯唯單挑黃浩收信拒道歉 - 馮仁昭

咪神徐淑敏(Suki)嘅老公黃浩捲入飯局事件,為飯局藝人出頭嘅曾志偉涉掌摑黃浩被捕,獲准保釋候查,下月再返警署報到,事件越搞越大,開腔力撐志偉嘅無綫出爐飛躍進步男藝員梁烈唯,因為揶揄黃浩有被害妄想症,激到黃浩生蝦咁跳。有指黃浩不滿梁烈唯涉嫌誹謗言論,上周已搵咗律師向梁烈唯發出律師信,仲要求佢噚日平安夜中午前公開道歉,否則就會有進一步行動,唔排除入稟控告梁烈唯誹謗。
梁烈唯前日下午仲同記者聲稱冇收到律師信,仲話如果收到最多搵個大狀拆招,梁烈唯前日下午繼續寸嘴話:「有啲人對號入座,反應會大啲。」不過馮仁昭噚日再打電話畀梁烈唯,佢就改口話:「我噚日晏晝收到,家交咗畀律師處理,我唔會再答任何關於呢件事啲嘢,律師會幫我處理。」

「唔覺得有事」

大節當前梁烈唯就收律師信,有冇影響佢心情呢?梁烈唯一於懶理黃浩嘅升級行動,仲斬釘截鐵好輕鬆咁話:「唔會,呢啲對我嚟講一啲嘢都冇,我直頭唔覺得有事。」至於黃浩噚日依然封嘴避談,佢喺電話度話:「我冇嘢回應。」據知,梁烈唯至噚日傍晚仍未向黃浩道歉。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載