› 選擇地區
三藩市
紐約
洛杉磯
其他美國地區
香港 台灣 北美
 
2013年01月14日

都是那些年:葉麗儀走過死亡谷

樂天知命的葉麗儀,雖然走過死蔭的幽谷,但堅持信仰的心令她得到平靜。攝影:陳志嵐

葉麗儀(Frances)患過乳癌,更年期時得到抑鬱症有自殺傾向,老公曾因脊椎退化,要坐輪椅度日,孫仔出世後一個月,證實有腦癌,種種不幸,是上天給她的考驗。Frances憑着信仰及一顆樂觀開朗的心,走過死蔭的幽谷,過程艱苦,但老公現在行得走得,孫仔已3歲,健康成長,自己的病早已康復,再苦也值得,她說現時要懂得活在當下。
撰文:胡比

現年65歲的葉麗儀,唱歌43年,一曲《上海灘》唱得街知巷聞,為她帶來名利, 事業一帆風順。經歷過兩段婚姻的Frances,第二段婚姻十分美滿,曾經與前夫所生的兒子因誤會變得關係疏離,但最後也能破冰,兒子與現任丈夫更成為好友,已成為嫲嫲的她,閒時弄孫為樂,看似無憂,但其實她的前半生經歷過大喜大悲。

與老公輪住病發

Frances自少跟隨父親成為天主教徒,最近首度推出福音碟《Grace & Glory Psalm 84》,在她親自撰寫的一篇文章中,深深體會到她生命中遇過的難題,死神不時向她與家人招手,但憑着樂天知命與信仰,帶領Frances闖過每個難關。

其實早在96年,49歲的Frances發現患上乳癌的一刻,就不停跟死神搏鬥,她輕鬆笑說:「開頭知道好驚,但個醫生講笑話如果要生cancer,乳癌係最好嘅,因為醫番機會好高。」最後在老公陪伴支持下,打贏這一仗;但之後另一個問題出現,更年期令她患上抑鬱症,嚴重得有自殺傾向,Frances說:「當時成日喊,又唔肯出街,仲有諗如果死咗就得到解決,我老公要收埋屋企啲刀,同所有危險物品,跟住我開始食藥接受治療,最後又逃過一劫。」
但好景不常,09年Frances老公因脊椎退化,令他失去左腿功能,她說:「我老公係一個好活躍嘅人,鍾意做運動,當時佢要坐輪椅,我個心都唔知幾痛,心諗佢以後行唔到點算,好彩佢係一個好有意志嘅人,經過治療同佢自己嘅努力,終於行得番。」

痛心孫仔患腦癌

但最令Frances感到無助與心痛的,莫過於孫仔在2010年出世,擺完滿月酒後,孫仔便開始嘔吐及抽筋,醫生診斷他有腦癌,做完手術後,醫生不擔保會康復,並叫他們有心理準備,Frances慨嘆:「點解一個咁得意嘅細路仔會遇到咁嘅事,當時真係好無助,我每日祈禱,希望神可以幫到我哋。」

Frances深信冥冥中自有主宰,當時她遇上一位婆婆,Frances稱她為山草婆婆:「我哋一向有個工人幫手做家務,佢知道我個孫仔有事,就話不如叫佢奶奶睇吓佢,佢奶奶識用中藥醫病,山草婆婆睇完我個孫仔之後,就話佢要排毒,佢去啲農場搵山草藥煲水,叫我哋用呢啲水開奶畀佢飲,試咗之後,孫仔真係開胃咗,仲識得喊,之前佢唔識得喊㗎,飲完啲奶,佢仲屙啲好似瀝青嘅屎,之後慢慢康復,再去check腦時,竟然唔見咗個瘤,連醫生都話係奇蹟。」現時孫仔已經3歲,雖然還未懂得說話與行路,但Frances相信孫仔必能健康成長。
已擁有長者卡的Frances笑言可以用兩蚊搭港鐵,開心得不亦樂乎,她說:「人應該知道自己有福氣外,仲要明白所有嘢都有主宰,我信有報應,好人遇到困難會得到解決,損人不利己嘅事我唔做,一切都要對得住自己良心。」

【2012年度勁膠金曲頒獎禮】
可能係今年最公正嘅頒獎禮,保證冇內定冇黑幕,快啲去投選你心目中今年最膠嘅歌曲啦!本月20號將揭曉誰是最膠XD
→ http://campaign.appledaily.com/2012awards

【齊齊投選2012年娛圈風雲人物】
入面粒粒巨星,你想咀佢,定想掟蕉過去?XD
http://bit.ly/ent_2012 (電腦版)
http://bit.ly/ent_m2012 (手機版)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載