› 選擇地區
三藩市
紐約
洛杉磯
其他美國地區
香港 台灣 北美
 
2013年01月19日

林峯維護吳千語 真情流露

林峯被指以月租8萬築愛巢,與緋聞女友吳千語過半同居生活,林峯昨日與徐子珊出席手錶活動時,雖然否認同居,但句句都對吳千語呵護備致,真情流露。林峯另一緋聞女友陳嘉桓則表示不會致電八卦,但暗寸有人想將戀情收埋。

有傳林峯與吳千語合作電影《男人如衣服》時擦出愛火,有指林峯獲頒最受歡迎男歌星時公開多謝的BB是吳千語,同時又以月租8萬元在麥當勞道租一單位與她半同居。
林峯昨日與徐子珊在旺角出席手錶旗艦店開幕,主動提及同居報道內的住所相片,他表示:「唔知乜嚟,好多謝幫我演唱會爭取曝光率,但我唔要呢啲宣傳。我都做過新人,唔好咁寫,扭曲咗會好慘。」是否要維護吳千語?林峯認為新人總有不好的新聞,社會應有更多正能量:「有時報道手法唔好,令我哋都唔知發生乜事。」

自認睡姿好Chok

問林峯會否致電吳千語?他說:「佢應該明白,如果撞到會講唔好意思。」講到吳千語曾爆他睡姿好chok,林峯笑說:「藝人唔夠瞓會喺片場爭取休息時間,佢有問我點解我可以瞓到唔郁,因為我為咗多少少時間休息,怕整亂個頭,所以習慣咗瞓得四平八穩。」跟吳千語是甚麼關係?林峯說:「大家係好朋友,唔好再問。」對於他提及的BB,林峯解釋是家中其中一位成員而已。至於有指《2013我愛HK恭囍發財》因批文問題要延遲兩星期才可在內地上映,子珊坦言未有聽聞。
林峯另一緋聞女友陳嘉桓昨在大埔林村許願樹拍有線賀年節目,對於林峯與吳千語半同居,她說:「哦!係呀!如果娛樂圈有多啲喜事係好,因為去年有好多唔好事,有好多人離婚、分手,如果身邊人見到佢哋幸福最好,最緊要自己唔好爛桃花!新一年都驚自己有爛桃花。」會否致電林峯八卦,她笑說:「吓!打畀佢?人哋想收埋梗係唔想俾人知㗎喇!唔好去揭發人嘛!」
採訪:黃曉妍、楊潔雯
攝影:陳慧安

【齊齊投選2012年娛圈風雲人物】
入面粒粒巨星,你想咀佢,定想掟蕉過去?XD
http://bit.ly/ent_2012  (電腦版)
http://bit.ly/ent_m2012  (手機版)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載