› 選擇地區
三藩市
紐約
洛杉磯
其他美國地區
香港 台灣 北美
 
2013年01月19日

有話兒:高海寧姦計得逞

穿上貼身短裙的高海寧,憑34E身材在娛樂圈闖出名堂。
攝影:林德雄 服裝提供:Vivian Chanelle

女星之路,就是一步一擂台。拼一口氣,點一盞燈,有燈就有人,也是高海寧的處世之道。童年艱苦生活她領教過,亦深明演藝是她的出路,當然要拼盡氣力攀越這個高山。由選美到做主持,至近日終憑《法網狙擊》一幕強姦戲上位,高Ling所付出的有了合理回報。其實她跟宮二一樣,不圖一世,只圖一時。
撰文:卓寶花

高海寧(高Ling)憑34E身材成功在娛樂圈闖出名堂,打從選美開始已被高登巴打封為女神,出席公開場合時,贊助商順理成章要求以性感現身作為賣點,高Ling亦成為不少監製的寵兒,客串不少劇集增加知名度,從主持一職走進劇組大直路,有望成為新一代無綫花旦。
夾着女神之名轉戰劇組,一下來就被派到劇集《法網狙擊》中,似乎是高Ling轉型機會,事實是葉底藏花,有一場被強姦的戲份,上位就要出位,高Ling毫不介意說:「我恨演呢類戲好耐,唔係話恨強姦,係恨有發揮戲,通常做人女友,得一種表現方式。」有演技發揮空間,無非不想再做花瓶,那管強姦不強姦。

相關新聞:無懼女神威脅

喊住感激監製

高Ling被姦戲份不論推出前後都備受關注,結果被連摑六巴掌的被姦戲份及大露背畫面成為宣傳重點被廣泛報道,更成為網上熱談、高登仔期待的一幕。高Ling在家中細味慘況時都禁不住落淚,幸好反應正面,她說:「好多人睇完都好感動,初時個個人以為強姦係重點,後來啲人反而留意多咗母女情同師徒情,證明劇情打動到人,出完場戲後,我個微博俾人洗版,甚至有人話因為場戲嚟關注我。」
性感是高Ling最大武器,不過她反而希望洗底不再以性感掛帥,讓大家可以重新認識她,劇中有血有淚的演繹是高Ling接受新挑戰的起步,更感激監製文偉鴻起用她,憶述首次見監製、編審時十分感觸,高Ling說:「人哋成日話高Ling畀人感覺好性感,無論做乜角色都係姨太、情人、女朋友、發癲港女,不過佢哋睇飲食節目時睇到真正高Ling唔係咁,當時我對住佢哋喊,終於有人睇到我唔係咁,俾人發現真正自己嗰種開心,喊住多謝佢哋。」直至試造型時,獲悉竟然可以封胸演出,令高Ling再有意外驚喜:「本來服裝畀件大領衫我,監製一見到話,唔要呢種,畀件恤衫扣到上頸,唔使用名牌袋,用背囊,好開心終於有人叫我封到上頸。」

劇中人似自己

高Ling對角色有共鳴,全因劇中人物性格和背景跟她現實相符,都是她親身經歷,高Ling說:「角色有啲似我,講生活好窮又住過天台屋,我細個時真係住過天台屋,我都捱過,變相讀書好有奮鬥心,靠自己努力改變生活,演嗰時較易捕捉到呢方面心態。」高Ling透露父親看過她的演出後都眼濕濕,她說:「戲中媽咪都喺街邊擺檔,現實中同我媽咪都好相似,全家人都睇到有共鳴。」出道至今以性感見稱,幸好得到父母支持,她說:「我選美到入行,爸爸媽媽都好支持,佢哋亦知道性感係工作需要,好清楚我為人,又唔會去夜蒲做啲乜,平時都係個宅女。」
《法》劇今晚大結局,高Ling揚言今次演出應是電視尺度極限,挑戰的是演技不是性感,被白健恩強姦戲中,螢光幕上清晰見到高Ling白滑玉背不足一秒,胸部對住拍檔,高Ling直認初時有尷尬,但胸前已貼上膠紙及有件衫保護,所以絕對安全。

【2012年度勁膠金曲頒獎禮】
可能係今年最公正嘅頒獎禮,保證冇內定冇黑幕,快啲去投選你心目中今年最膠嘅歌曲啦!本月20號將揭曉誰是最膠XD
→ http://campaign.appledaily.com/2012awards

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載