› 選擇地區
三藩市
紐約
洛杉磯
其他美國地區
香港 台灣 北美
 
2013年01月21日

馮仁昭四圍超:「王菀之都拍劇?」
林保怡踩無綫唔夠人 - 馮仁昭

真假鼓佬陳友同林保怡唔打鼓,反而爭咪爭唱歌喎。

林保怡、Joe Junior同劉丹等人噚日到西貢出席盆菜宴,咁啱佢哋三個都有份演出近日重播嘅《天與地》。而喺《天與地》飾演鼓佬嘅林保怡喺現場就同溫拿嘅鼓佬陳友同台合唱。
去年主力返內地拍劇嘅保怡話上年買咗樓,近日聽講已經升咗200萬,佢強調自己買嚟自住,冇諗過炒賣。
馮仁昭講起近日無綫劇集《老表,你好嘢!》引嚟唔少討論,保怡就話冇留意,仲反問有邊個演員做。當保怡聽到歌手王菀之都有份拍,佢忍唔住講:「王菀之都拍劇?咁唔夠人呀!」

日夜播舊作

劇中講到中港矛盾,近年返內地搵人仔嘅保怡話返內地做嘢絕對冇問題同冇文化衝突,反而覺得自己嘅普通話未到水準,劇集出街時都要配音。保怡事後話知道無綫中午重播佢10年前嘅作品《談談情跳跳舞》,晚上就重播《天與地》,佢話:「唔知大家係咪好懷念離開咗嘅林保怡呢?」另外《天與地》飾演Dr.Dylan嘅Joe Junior話晚晚都有重溫,因為第一次出街時拍緊劇冇睇過。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載