蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年01月26日
馬上成為壹會員

劉家勇 無爭無欲

劉家勇是黃飛鴻洪拳第五代傳人,是武術正宗。
攝影:葉君海
場地提供:啤啤熊藝術中心

在《一代宗師》中,梁朝偉在金樓跟雜家的劉家勇較技,氣勢與武打不遜於章子怡跟張晉的對決。不過在電影中轉身的就只有張晉,演勇哥的劉家勇卻鮮有人提及。
劉家勇本姓何,自小跟舅父、洪拳嫡傳劉家良師傅學習拳術,自言舅父上身的「50後」劉家勇作為黃飛鴻洪拳第五代傳人,對於成為電影的裡子表示毫不介意,他說:「其實我戲份同張晉差唔多,只係cut少cut多,不過我到𠵱家咁嘅年紀,拍呢部戲我唔係想爭啲乜嘢,我真係鍾意功夫,如果我係張晉咁嘅年紀就會爭喇!」

相關新聞:有話兒:張晉 面子與裡子

讚偉仔好身手

談到與偉仔的對打,劉家勇表示那一場戲足足拍了十多天,他大讚偉仔身手:「梁朝偉佢冇玩開功夫,搵佢同甄子丹比係好唔公平,佢打得唔好係正常,咪畀機會囉,但係如果甄子丹打得唔好就抵鬧喇!不過講老實話,梁朝偉打得好,佢啲手真係硬,耍套六點半棍有功架㗎!不過佢好心軟,而且對人好有禮貌,我打到隻手爆晒,佢係第一個拎藥水膠布畀我。」
劉家勇又大爆偉仔險些被功夫片嚇怕,卻非因辛苦,而是最怕打傷人:「佢成日話如果真係打到其他人好唔好意思,有一幕講佢用標指直插我喉嚨再用寸勁打我,嗰吓佢開頭都唔敢真打,我就同佢講如果留手我拍多幾次會更加傷!」

嘆功夫難傳承

《一》片宏觀武林,講功夫傳承精神,對於武林是否已經消失,他語帶欷歔說:「仲有,不過生存得好艱難,主要原因都係經濟問題,政府資助亦唔夠,政府成日講保育,最傳統嘅天台武館已經冇晒,嗰啲都係需要保育嘅嘢,不過冇幫到手。」他又慨嘆時代轉變,現在的人學功夫只當是一種運動,已經沒有了以前拜師學藝,戲中所講「一條腰帶一啖氣」的精神。
在片中羅莽曾找梁朝偉踢館,劉家勇笑說:「以前打功夫都係睇名氣,人哋見到我哋支旗都唔會過嚟搞搞震嘅,不過我就百厭啲,成日會喺公園搵人玩切磋,不過都係點到即止,唔會打到豬頭咁!」
撰文:文國駿

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載