› 選擇地區
三藩市
紐約
洛杉磯
其他美國地區
香港 台灣 北美
 
2013年02月02日

馮仁昭四圍超:娜姐驚見乳罩變口罩 - 馮仁昭

近年內地灰霾越嚟越嚴重,灰霾對人體嘅危害,比沙士犀利好多,全國逾8億人受空氣污染威脅,幾乎人人都戴口罩保命,周秀娜代言嘅內地自家品牌胸圍,竟然俾一個金毛男DIY變口罩,佢仲俾網友封為「乳罩哥」,娜姐睇到呢張相好驚訝,即刻喺微博轉發留言:「Waaaa...最近大熱的『乳罩哥』戴的就是LAMIU內衣吧?這個我最有發言權哦。」

李冰冰:去西天最快

內地影星李冰冰就連發幾條微博,諷刺口罩狂漲價,變咗好似金鐘罩咁矜貴,佢仲擺咗張灰濛濛嘅天空相,借悟空同唐僧暗諷留在內地等死:「悟空:『師父,前方煙霧繚繞,如仙境一般,怕是到西天大雷音寺了吧?』唐僧:『悟空,那是北京市區!如此仙境,難怪是全國幸福指數最高的城市了!要不,你留下吧!』悟空:『師父,我要去西天!』唐僧:『徒兒不知,留在此地是去西天最快的方式。』
至於喺內地發展嘅日本AV女優蒼井空,就影咗張戴口罩相上微博,留言:「這口罩很很很大,這是在中國叫胸罩。」十分抵死。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載