› 選擇地區
三藩市
紐約
洛杉磯
其他美國地區
香港 台灣 北美
 
2013年02月27日

星遊記:陳志健、羅苡之 海鮮蜜月

陳志健小倆口蜜月期間一日七餐大啖海鮮,Otto特別喜愛這種醃製蟹,覺得很有特色。

羅樂林女婿陳志健(Otto)錫到老婆燶,他承諾與太太羅苡之環遊全世界,兩人首站選擇到韓國過白色蜜月,Otto夫婦大啖海鮮,品嚐八爪魚刺身,Otto最怕被魚爪吸着口腔,但看見老婆大快朵頤,決定捨命陪嬌妻。Otto和新任陳太全程喪食喪玩,一日七餐,兩夫妻最終增磅而回。
撰文:比華利

陳志健去年底迎娶羅樂林女兒羅苡之,小倆口婚後各有各忙,日前才成功度期到韓國度白色蜜月,遍地積滿白雪的首爾,雖然氣溫跌至零下22度,但對於新婚燕爾的Otto來說,不但未有寒意,只要擁愛妻在懷,反覺非常溫暖又溫馨。

陳太羅苡之最愛吃海鮮,Otto到埗便帶太太到當地一個類似香港西貢的海鮮巿場,陪着愛妻親自揀選活生生的海鮮,然後交由餐廳代為烹調,Otto說:「我好鍾意食佢哋嘅醃製蟹,好特色,味道好特別,從未食過。太太就至愛八爪魚刺身,因為切片後,佢哋啲爪仲會郁,太太邊喊驚邊放落口食,口感係滑潺潺,我放一隻爪入口畀佢吸住,我就麻麻哋,唔係太好。」其中海鮮巿場有一名韓籍老闆娘竟認出Otto,她表示曾在網上看過他的演出,雖然大家雞同鴨講,語言有障礙,Otto只好不斷用身體語言和英語跟這位韓國粉絲溝通,他說:「佢好親切,我哋仲合照留念。」

吃東西保暖

由於天氣凍,所以Otto夫婦不時吃東西保暖,一日起碼食七餐,行到邊食到邊,胃部經常填滿,他說:「去韓國必吃人參雞同燒肉,地道嘅零舍好味,其實有時我哋都掃街,幫襯吓街檔,不過外間天氣太凍,有時食嘢都唔知味道。」Otto推介大家不妨試一下一種韓國酒,他說:「將燒酌倒入一個挖空嘅蘋果當杯飲,啲酒吸咗蘋果味,我唔好飲酒都好鍾意。」Otto表示這次蜜月之旅太短,未算盡興,他打算稍後有假期,再偕太太到歐洲遊玩,希望夫妻足迹遍及全球。

去邊度:韓國
玩幾耐:5日

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載