› 選擇地區
三藩市
紐約
洛杉磯
其他美國地區
香港 台灣 北美
 
2013年02月28日

超蓮認同吳克羣遊馬爾代夫

【銅鑼灣】賭王三房次女何超蓮同緋聞男友、台灣歌手吳克羣,早排去咗馬爾代夫度假。雖然有愛情滋潤,但超蓮絕對唔係有異性冇人性,佢專登趕返嚟香港陪家姐何雲慶生。

賀超雲生日

噚日係超雲24歲生日,佢哋兩姊妹前日由助手陪同去咗銅鑼灣行街,一向潮嘅佢哋打扮到靚靚出現,超雲將自己張相放上微博,仲打晒所有行頭出嚟,公諸同好。反而超蓮就低調得多,皆因一條熱褲露出一對修長美腿已經搶晒鏡,佢仲戴住陳冠希同潮牌SSUR出嘅英文粗口fuck嘅cap帽。
之後佢哋去咗一間喺景隆街嘅乳酪專門店搵食,只見佢哋密密斟交換一輪意見,由超蓮負責買嘢畀錢。
噚晚7點半,壽星女超雲同男友陳山聰喺銅鑼灣嘅餐廳包場慶生,現場門口掛有心形汽球,兩人仲拖手出嚟甜蜜合照,超雲話生日願望係想父母身體健康。記者問佢哋幾時結婚?山聰以男主人家身份話:「今日超雲生日,唔好講呢啲!」隨即跟女友雙雙返入食肆狂歡。

記者問超雲是否好事近?佢話:「唔好成日問,就嚟講到我唔結。」而超蓮被問到是否跟吳克羣甜蜜外遊?佢話:「係新年去玩,唔係慶祝情人節。問有否發展機會?佢話:「相信緣份。」問超雲有冇見過吳克羣?佢話:「雜誌成日見,真人冇機會,媽咪話個個都係朋友。」
此外,吳克羣噚晚喺微博上載笑相,留言:「尬的!是瘦了嗎?這算酒窩還是甚麼窩啊!」似係隔空同緋聞女友超蓮打情駡俏。
採訪、攝影:李志明、楊浩賢

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載