› 選擇地區
三藩市
紐約
洛杉磯
其他美國地區
香港 台灣 北美
 
2013年03月06日

煞科宴冇影
阿澤寸樂仔:佢要出征

余文樂上月被爆與吳雨霏(Kary)拍拖,原本樂仔前晚出席彭浩翔監製的《飛虎出征》煞科宴,但他卻因工作缺席,似避談戀情,而杜汶澤拿樂仔和Kary的戀情做話題,他寸爆樂仔說:「佢要出征嘛,佢有征出就唔好阻人出。」

電影《低俗喜劇》原班人馬拍攝的《飛虎出征》前晚在灣仔舉行煞科宴,監製彭浩翔、杜汶澤及陳靜(DaDa)等現身,反而男主角之一的余文樂缺席。樂仔近日與吳雨霏打得火熱,令人懷疑他想避開追問戀情。
樂仔前日下午在中環拍攝廣告,據知他拍到晚上10時,最終趕不及出席九時舉行的煞科宴,好兄弟阿澤和彭浩翔拿他的戀情做話題,阿澤語帶雙關說:「佢要出征嘛,佢有征出就唔好阻人出,我係講呢個『征』,唔好誤會,戥佢開心,𠵱家有得出征啦!」彭浩翔踢爆已找了樂仔數天:「佢都冇搵番我,我想問佢出唔出席呢個活動。」

彭浩翔爆中西通殺

早前阿澤在棟篤笑騷上拿樂仔做話題,他笑說:「佢又靚仔,又有錢,又揸林寶堅尼,有得出征好正常。」問到可認識Kary?阿澤說:「邊個Kary?吳雨霏就識,我唔係秋生我梗係知,我結婚時佢係我老婆嘅姊妹。」提到會否同老婆出征時,他即封嘴:「我哋屋企人互相尊重,同佢講出征係唔啱。」
有傳鄧麗欣有感樂仔太雜食反對樂仔和Kary拍拖,阿澤說:「呢啲咁私密嘢邊個講出嚟?好質疑新聞可信性。」彭浩翔指認識的樂仔是中西餐都食,阿澤維護指樂仔在片場是食飯盒,記者指飯盒即是食快餐時,他說:「唔好咁聯想,當年佢同黃伊汶拍拖都好專一。」

戲中客串扮大肚婆做阿澤前妻的DaDa,今次不用性感,她自爆早前增磅不少而遭阿澤指摘:「佢同我講話最後一次警告我,你越嚟越肥,係唔係想唔撈,𠵱家瘦番,佢都讚我聽教。」而鄭敬基對舊愛鄧萃雯曾患情緒病,他稱會傳短訊慰問。
採訪:胡比
攝影:陳俊強

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載