› 選擇地區
三藩市
紐約
洛杉磯
其他美國地區
香港 台灣 北美
 
2013年03月06日

護林峯冇猴擒
吳千語:佢好Sweet

吳千語和林峯公開戀情,早前甜蜜外遊,被發現兩人忍不住在機艙狂咀及撫摸,又指林峯送黑卡給吳千語狂碌。吳千語昨晚在西九出席活動,遲大到45分鐘,她解釋林峯只是體貼幫她冚被,在無知覺下被男友錫面,「有錫,但冇啜啜聲」!

吳千語、Mandy Lieu、Ana R.和李樂詩夫婦等昨晚在西九出席護膚品活動,吳千語遲大到45分鐘,問她可是受例遲的林峯影響?她即連忙否認:「唔係呀,頭先好塞車。」戀情一公開,工作量即時大增?她說:「係之前安排咗,接落㗎,價錢都要問番公司先知。」

「佢幫我冚被」

之前與林峯外遊時,吳千語被影到在機艙內與男友煙韌激咀,又指兩人情不自禁愛撫,吳千語說:「我有睇報道,唔係想澄清,係想講畀大家知,我喺機上時係瞓着咗,佢過嚟幫我冚被,我唔知佢過嚟,我失去知覺,佢事後先講我知,我覺得佢好sweet。」有在場人士指兩人咀到啜啜聲,她即說:「完全冇啲咁嘅事,有錫,但冇啜啜聲,我瞓咗,冇印象,just on face。」
吳千語謂不會告誡男友過份熱情:「我哋係男女朋友,呢啲好正常,嗰度都係機艙,一格格嘅,都係私人空間囉。」有人覺得林峯相當猴擒,吳千語即為男友護航:「唔係呀,嗰個動作,係佢拎起我隻手,幫我冚被咋。」

為峯媽買Hermès

對於有指吳千語去Hermès狂掃150萬手袋,她否認並解釋只是幫林峯媽咪買袋,但沒貨,最終自己買了一條Hermès手帶送給林峯做禮物。有傳林峯想送黑卡給她,吳千語說:「絕對冇,呢個乜年代?我哋出街會互相送嘢畀對方,禮物係正常,但黑卡就唔係,我唔會接受。」
同場Mandy Lieu表示約滿舊公司,現時食散餐,待拍完旅遊特輯,8、9月才決定新動向,她說:「𠵱家物色新公司真係好似搵男友咁。」
採訪:盧妹
攝影:黃偉雄

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載