› 選擇地區
三藩市
紐約
洛杉磯
其他美國地區
香港 台灣 北美
 
2013年03月13日

自嘲BB似盛女Bonnie
樂樂盈盈誕7.2磅開心女

恭喜恭喜!湯盈盈、錢嘉樂的囡囡Alyssa已於大前日(10日)出世,重7.2磅,自然分娩的盈盈康復進度甚佳,昨午與樂樂齊齊見記者,隨即出院返家休息,親剪臍帶的樂樂,落剪時不忘搞笑本色,竟遞相機給盈盈代為拍照,又自嘲囡囡似他如似盛女Bonnie,幸好Alyssa眼大似媽咪。

相關新聞:話你知:大熊貓閉館培慾

湯盈盈和錢嘉樂於去年11月完婚並宣佈已懷有身孕,本月初大肚盈盈出席《老表,你好嘢!》慶功時透露預產期在本月17日,估不到Alyssa提早一星期面世,盈盈已於大前日在山頂嘉諾撒醫院產女,榮升媽咪!

「當拍戲教佢呼吸」

昨午2時,盈盈樂樂在醫院十指緊扣落樓親自宣佈喜訊,樂樂應記者要求,連咀盈盈面珠四次。剛做了爹哋的樂樂坦言像發夢般:「囡囡7磅3安士(約7.2磅),3月10日凌晨盈盈有啲肚痛,之後瞓番,到朝早7點覺得好似係喎,就入醫院,過程順利,到中午12點半順產,自然分娩唔太痛。」原本樂樂不敢剪臍帶,他笑言:「我由細到大夢想喺產房外踱步,熄燈至入去,但護士同醫生逼我入去剪臍帶,入咗係啱,分享過程令自己珍惜呢件事。」
樂樂透露見盈盈準備生產的半小時中多次回氣,便如動作導演般教盈盈如何呼吸:「生生吓佢仲問我係咪生唔到,我叫佢唔好諗做唔到嘅嘢,叫佢唔好咁亂,其實我都唔知做緊乜,當拍戲咁,我又怕佢用錯力,應該似屙屎咁,護士叫我正面睇佢生,但我希望有番啲保留同幻想。」在Alyssa出世的一刻,盈盈感動喊到似噴水池,樂樂形容自己做了小噴水池,盈盈在旁即爆料:「佢剪臍帶時遞咗部相機叫我幫佢影相呀!」

「原來臍帶好硬㗎」

對這個感動時刻,樂樂以三個英文字形容,他說:「係amazing、incredible同wonderful,我啲英文用盡晒喇!感覺好微妙、神奇,我怕自己手勢唔好,整到阿女個肚臍唔靚,原來臍帶好硬㗎!」他又坦言:「真係冇諗過嘉樂仔做老竇,好開心呀!」樂樂不忘大讚盈盈好勁、好叻,如何獎勵老婆?樂樂說:「我乜都畀晒佢啦!」
至於Alyssa樣子似爹哋還是媽咪,樂樂再搞笑:「分兩派,啲護士話似我,我即刻諗起盛女Bonnie,梗係似媽咪好啦!對眼一定係似媽咪。」中文名叫甚麼?樂樂說:「等爺爺改,有諗過錢進,國歌咁,但女就諗過叫錢晴,都係等爸爸修飾吓。」
盈盈康復得快,她透露今次生B不算太辛苦,並準備餵人奶,已請了陪月,暫時會全職湊女,但她的肚仍似懷有身孕,樂樂忍不住笑老婆:「我懷疑仲有細佬喺裏面,好似未生咁。」問到會否再生,二人異口同聲表示會,並等康復後再諗。樂樂透露今年會不接長程的工作,因不捨得離開兩母女,而他已收了不少禮物,其中劉德華送了很多BB衫、車及用品。見過記者後約下午3時20分,盈盈樂樂乘坐七人車回家休息,而囡囡早已返家。

「盈盈唔怕冇人奶」

此外,盈盈姊妹文頌嫻爆盈盈產後不久即大叫肚餓,她更認為盈盈樂樂都是搞笑之人,Alyssa必是個開心BB,文女說:「盈盈唔怕冇人奶呀,我同周家蔚教晒佢食啲乜,做乜嘢按摩可以增加人奶。」而姚樂怡則表示看過Alyssa的照片,覺得面形似樂樂。另在電視城開工的黎耀祥謂送甚麼禮物,會交給太太處理,由於盈盈樂樂都放假,要託人轉送。」
採訪:卓寶花 攝影:陳順禎

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載