› 選擇地區
三藩市
紐約
洛杉磯
其他美國地區
香港 台灣 北美
 
2013年03月13日

JJ呻事業失意 隨時嫁

賈曉晨(JJ)和樊少皇打得火熱,近日盛傳JJ私自接工作激嬲陳百祥(阿叻)而不獲續約,前晚阿叻現身EYT晚宴時更暗示JJ心急嫁人,並指她情緒化,但揚言會支持她;JJ昨接受電話訪問,強調男友未求婚,但卻暗露口風說:「如果事業冇太大進展,可能考慮結婚。」

現年30歲的賈曉晨去年與樊少皇撻着,JJ一度背負小三之名,情緒大受打擊,不過兩人愛得癡纏,早前更飛往斐濟旅行,日前有傳JJ私自接內地工作,激嬲老闆阿叻,阿叻即下令不與她續約。

樊少皇未求婚

前晚阿叻和黃杏秀到尖沙嘴出席「EYT好友會2013聯歡晚宴」,對於不與JJ續約,阿叻暗示JJ有結婚打算:「吓?佢唔同我續約咋,冇話唔同佢續,可能佢心急想嫁,嫁唔出就簽番我哋都冇問題,如果佢想結婚,做定唔做都支持。」阿叻直言JJ性格太情緒化,有時想結婚,有時又想工作:「嫁又得簽又得,我有同佢講任佢,真係嫁係好大件事,不過做呢行要好畀心機,唔好兩頭唔到岸。」

至於JJ昨接受電話訪問時,暗露口風說:「如果事業冇太大進展,可能考慮結婚,始終將事業放前啲,我希望事業好啲,如果做唔做都係咁,先會諗結婚,冇確定係幾時結,未開始詳細諗過,想事業上軌道先,𠵱家係我選擇時間,想做個正確選擇先。」JJ直言男友樊少皇未求婚,但男友支持她的決定,她又感激說:「叻哥好撐我,叫我乜嘢都以開心為主,我做咗九年,想認真諗嚟緊點行,冇話續唔續約,𠵱家爆咁多嘢,令我好亂,唔識處理。」
JJ強調會放假休息,或去旅行學英文,結婚大事會慢慢想清楚,她直認視樊少皇為結婚對象:「拍拖預咗永遠一齊,希望將來結果係咁行落去,唔想有變數,我(結婚)一定會同大家講,放心。」
採訪:卓寶花
攝影:陳志嵐

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載