› 選擇地區
三藩市
紐約
洛杉磯
其他美國地區
香港 台灣 北美
 
2013年03月15日

方中信怪YoYo過急跳槽

早前有傳蒙嘉慧(YoYo)因過檔王維基而被飛出無綫新劇《仁心解碼II》的宣傳,同劇的方中信昨日坦言此事反映無綫的確少了些人情味,但亦表示YoYo處理的步驟出錯,理應新劇播完才另找東家。而監製羅永賢則出來解畫,指公司與YoYo沒有芥蒂,雙方是有默契,選擇性地出席活動。

無綫新劇《仁心解碼II》昨在尖沙嘴舉行宣傳活動,楊怡、方中信、苟芸慧、陳茵媺及蕭正楠等出席,早前被傳飛出宣傳的蒙嘉慧依舊未有出席,但現場台上佈景板及播出的預告片中仍見其蹤影。

方中信接受訪問時被問到YoYo未有出席宣傳一事,他表示:「冇咗YoYo的確係少咗啲嘢,佢唔係簽咗王維基咩?幾萬蚊一集。」可覺無綫小器?方中信謂:「人情味係少啲,但大公司咁做無可厚非,而YoYo步驟都有啲錯咗,有去意都應該等套劇完咗先去傾,咁件事應該冇咁複雜。」可有意見提供?他笑言:「我意見返大陸搵人民幣。」問到現在自由身的方中信可有被王維基挖角?他說:「都有轉折咁搵,但係做生不如做熟,幾萬蚊一集我相信無綫畀到我。」
監製羅永賢坦言跟YoYo關係非常好,而且沒有芥蒂,他說:「海報、預告片完全冇飛走佢,佢噚日都有返嚟影封面,我哋都有同珍姐(曾勵珍)講電話,佢試吓向外闖梗希望佢有更好發展。大家有默契,選擇性宣傳。」

李亞男洩春光

至於楊怡即場吻賀將於後日50歲生日的方中信,又以方叔叔來形容他,對於YoYo未能出席宣傳,楊怡謂:「係有啲可惜,但呢行好細,有機會再合作,都覺演員應該發展空間大啲。」另外,身穿短裙的李亞男在台上玩遊戲時則不慎洩春光,事後坦言怕被男友王祖藍責怪。
採訪、攝影:文國駿

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載