› 選擇地區
三藩市
紐約
洛杉磯
其他美國地區
香港 台灣 北美
 
2013年03月25日

都是那些年:劉鳳屏結婚大過天

劉鳳屏離開娛樂圈後,間中重踏舞台開騷,以慰歌迷。

劉鳳屏本想將唱歌當作終身職業,但當她看透娛樂圈的現實,覺得唱歌這一行是真的「順流逆流」,縱使她的唱片如何大賣,但始終要受人控制,所以她婚後一度退出樂壇,做好妻子和繼母的本份,但偶爾也會作玩票性質舉行演唱會。
撰文:黃曉妍

有「嬌嬌女」之稱的劉鳳屏,結婚後一度退出樂壇,做好妻子本份,只偶爾以玩票性質開演唱會和粉絲見面,上月初她便回港在文化中心舉行了兩場演唱會,當日她演唱了往年很少演繹的歌曲,如《思念》和《問問你》等,還唱了周璇、李香蘭、吳鶯音、顧媚等人的金曲,向幾位前輩致敬。

獲蔡和平賞識

劉鳳屏在65年參加報館舉辦的歌唱比賽奪冠後,獲金冠酒樓夜總會聘用為歌手,由於金冠的客路很廣,她要學唱英文歌、日文歌,她笑說:「當時有好多外省人、上海人、本地高尚人家去金冠食晚飯、跳吓舞、飲兩杯,廣東人冇咁富有,所以我好少唱廣東歌。」
在金冠唱到第三年,劉鳳屏邊唱邊參與無綫的《歡樂今宵》,她說:「蔡和平啱啱入咗TVB,時時都去金冠聽歌跳舞,物色樂隊、歌手,當時我喺度,所以簽咗我同師姐鍾玲玲。」67年劉鳳屏一星期唱兩次《歡樂今宵》,她說:「喺夜總會唱歌係好犀利,因為當時未有歌廳,電視台又剛剛開,冇乜歌星,而且我同鍾玲玲最年輕、最出名,所以我係TVB第一代合約歌手,我喺TVB做咗15年,之後去咗亞視兩年,然後再返TVB,做到我結婚為止。」

患病被傳生仔

由酒樓夜總會跳入公仔箱,劉鳳屏發展一帆風順,在68年風行唱片為她推出首張個人大碟,但劉鳳屏在69年推出第二張唱片時,不幸患上大頸泡(甲狀腺腫脹),使所有工作停頓下來,她說:「唱得太辛苦,唔夠休息,我嘅工作停咗大半年,當時傳我秘密生仔,我好唔開心,其實係聲帶俾腫瘤壓住,好彩唔係嗰啲嘢,係甲狀腺啫,係良性。」工作停滯,是劉鳳屏的低潮期。幸好,71年痊癒,風行唱片的兄弟公司麗風唱片為劉鳳屏推出第三張唱片。

作為無綫第一代合約歌手,劉鳳屏認為一切都要遵守電視台規則,她說:「我簽咗一個月四次騷,我唱《歡樂今宵》六至八場,多咗TVB照補水,價錢合理。」限死一個平台宣傳,對歌手不公平?劉鳳屏說:「我覺得TVB係啱嘅,在商言商,我捧你,我畀機會你,你就係我夥計,唔能夠做第二度,唔係佢點控制你呀,我捧紅你,你走咗去咁點算!」所以劉鳳屏斷斷續續服務了無綫共22年。

做好繼母本份

劉鳳屏第一隻唱片便大賣,看似沒經過大風浪的她,卻說看透了這個娛樂圈,因無論你唱得有多好,始終都要受人控制,所以說到辛酸史時,她很直接地說:「我有!」當年她唱《西施》主題曲《情結解不散》,唱片公司老闆卻拒絕出唱片,劉鳳屏說:「我唱得好認真,本來老闆答應我出個人唱片,後來佢話潮流興出雜錦碟,我好唔開心,睇化喇,加上我識咗我老公,於是我88年結婚,幫老公打理生意,加上我係繼母,老公有兩個仔女,我要做好我本份,我決定唔再唱歌,因為呢行真係『順流逆流』,01年我亮相阿姐(汪明荃)嘅《明曲滿天星》,反應好好,唱片公司請我去內地,三日內趕製兩張卡拉OK碟,當時叫你出又唔出,真係好現實。」
場地提供:雲來軒

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載