蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年04月20日

是我小時候:軍訓陳庭欣女變仔

【3歲半】
陳庭欣在警察訓練學校抱住「大助」騎大炮影相,盡顯男仔頭性格。

陳庭欣的父親為警務人員,在父親影響下,她自小接受嚴格教導,搞到兒時成個男仔頭,十四歲前都沒做過長髮女孩,有次看牙醫更被醫生誤以為是小弟弟!
撰文:卓寶花

港姐冠軍陳庭欣是家中獨女,自小深得父母疼愛,讀小一那年就被老師發掘潛能,參加朗誦比賽,她說:「細個唔識怕醜,好多嘢講,老師喺成績表寫評語都係寫我多說話。」
開朗的陳庭欣,性格還很男仔頭,陳庭欣說:「因為爸爸做警察,細細個已經成日跟爸爸跑步,好似軍訓一樣,加上喺屋企同表哥一齊長大,細個好多時都係着表哥嘅舊衫,着褲多過着裙。」

玩風扇手指刻烙印

而兒時被誤認作男仔, 更令陳庭欣留下深刻印象,她說:「有次去睇牙科保健,好記得醫生同我講:『小弟弟唔使驚』,可能當時我短頭髮似男仔啦。」直至14歲那年,陳庭欣到英國留學,才開始留長頭髮,真正感受長髮滋味,學習女性化打扮。
陳庭欣小時候又試過貪玩闖禍,留下了一個一生烙印,她說:「細個玩風扇時,風扇跌咗落地,好驚想執起佢,點知十隻手指插咗落風扇葉度,當時十隻手指都要洗傷口好痛,我右手第四隻手指到𠵱家都係黑咗一忽,戴戒指嘅時候,都一定會記得番呢一件事。」

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載