› 選擇地區
三藩市
紐約
洛杉磯
其他美國地區
香港 台灣 北美
 
2013年04月22日

澳門騷老婆踩場
伊健嘲YoYo眼紋多

鄭伊健(中)請來好兄弟林曉峰(左)及錢嘉樂擔任嘉賓,三人即場合唱。

【澳門直擊】鄭伊健前晚在澳門舉行演唱會,全場爆滿,好兄弟錢嘉樂及林曉峰做嘉賓,而三人的另一半包括蒙嘉慧(YoYo)和湯盈盈在台下支持,而康子妮則擔任和音。伊健表示先後三次到澳門做騷,他透露首次有fans即場求婚,伊健即問該位fans有沒有來,結果該位fans真的有來,伊健即問對方婚姻是否美滿及祝三年抱兩,fans即謂:「等你先。」伊健回應:「關我乜事。」
其中伊健的日本武士look大晒腹肌,但跳舞明顯很生硬。之後伊健改穿開胸歌衫跟嘉樂及林曉峰合唱《友情歲月》和《一起飛》。唱畢嘉樂笑說:「做佢演唱會好運,一年內結婚又生女,又得金馬獎,金像獎又有提名。」林曉峰亦附和說:「伊健新戲入面有句對白話七子去六子返,但我哋就三子去九子回,我老婆生咗兩個仔,嘉樂就娶老婆生埋女,伊健舊年又話私人事唔講,點知帶咗阿嫂返嚟,大家一齊叫阿嫂。」現場即和應大叫,台下的YoYo即狂點頭甜笑。

「佢鍾意笑」

另外當伊健唱《動地驚天愛戀過》播出楊千嬅的片段,當中她說:「恭喜伊健結婚,娶咗YoYo咁好嘅老婆,雖然佢話唔生,但我以媽咪身份都祝佢早生貴子。」
完騷後伊健受訪,提到台上台下都想他生BB,他說:「唔好,睇吓點先,我有見過嘉樂嘅囡囡,小春就7月做老竇,但我真係冇打算,千嬅咁講佢就放長雙眼,我就順其自然。」至於YoYo被叫大嫂即點頭冧笑,伊健笑言:「其他阿嫂都點得好大力,笑得多會有眼摺紋,不過佢鍾意笑。」
採訪:李珮洳
攝影:陳俊強

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載