› 選擇地區
三藩市
紐約
洛杉磯
其他美國地區
香港 台灣 北美
 
2013年04月26日

張家輝餅印女精靈玩狗

【跑馬地】張家輝自從做咗影帝之後,啲電影一部接一部,近排連老婆關詠荷都復出拍劇,近日就忙住同歐陽震華拍無綫新劇《情逆三世緣》,剩低7歲囡囡張童由工人幫手照顧,不過囡囡都好識自娛自樂,對小動物仲情有獨鍾。
前日下晝4點張童由工人陪同,坐住老竇架七人車去跑馬地街市買餸。簡直係老竇餅印嘅張童,一落車已經跳跳紮喺街市裏面走嚟走去,而工人就去咗買生果。只見張童應該係街市常客,佢同每檔嘅店東都好熟,仲可以傾得兩句,佢哋買咗大約十零分鐘就離開。

發號施令

之後兩主僕拖手行咗去附近一間寵物店,本來已經好精靈活潑嘅張童入到舖頭非常開心,趁工人行咗去揀狗玩具,佢就喺舖頭同金毛尋回犬、雪橇犬玩,雖然兩隻狗嘅體形仲大過張童,不過佢一啲都唔驚,仲向隻金毛畀指令要遞手,狗狗做得好張童仲識摸頭鼓勵,不過佢對隻雪橇犬就冇興趣,冇乜交流。逗留咗約十分鐘,兩主僕買完嘢玩夠之後就上返七人車離開。
採訪、攝影:李志明、徐錦池

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載