蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年05月01日

電視撈飯:小冰裝巨胸勾引鄺佐輝

今年43歲嘅梁小冰之前俾人話背住結婚十三年嘅老公陳嘉輝,同前有線主持王志海撻着,仲俾人影到喺街頭表現親密嘅相,搞到軒然大波!前晚大約十點,身穿黑色短裙嘅小冰喺銅鑼灣避風塘出現,施施然行上泊喺嗰度嘅遊艇,仲見到鄺佐輝親自迎接,同佢面貼面打招呼,好熱情咁喎!

不過大家唔好誤會,其實小冰同鄺佐輝只係幫緊王維基嘅香港電視新劇《導火新聞線》拍外景,當時仲有好多工作人員同臨時演員喺度嘅,不過唔知小冰有冇同老公報告呢?

不乏床上戲

小冰同鄺佐輝拍呢場戲拍足一晚,飾演報館女總編輯嘅小冰上咗遊艇後,同演警務處處長嘅鄺佐輝禮貌式面貼面打招呼,不過貼完面嘅小冰即刻露出個藐樣。拍完呢個鏡頭後,小冰跟住入咗船艙,將外套除低,不經意騷咗啲啲身材,原來小冰做呢個角色,事前講明會裝38吋巨胸,難怪有啲睇頭。小冰喺呢個劇度首次演奸角色,仲有唔少大膽床上戲,為求攞料不擇手段㗎。
至於演警務處處長嘅鄺佐輝噚日話場戲係講佢開遊艇派對,佢同女總編小冰一直都係工作上嘅好朋友,兩人私底下會交換情報,鄺佐輝話:「場戲講我特登開派對,目的係引開佢(小冰)返唔到報館,方便我哋處理啲問題。」
版主:陳基征

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載