› 選擇地區
三藩市
紐約
洛杉磯
其他美國地區
香港 台灣 北美
 
2013年05月03日

電視撈飯:祥仔踩劇情誇張
唐詩詠發癲肢解公仔

無綫劇《神探高倫布》下禮拜進入結局篇,套劇不但俾網民狂插,連黎耀祥噚日都話劇本誇張同唔合理。呢個禮拜劇情講祥仔同初戀情人唐詩詠結婚,跟住仲送老婆出國,目的想捲入烹夫案嘅詩詠逃避刑責,去第二個地方醫病重新做人,最後俾敖嘉年破壞,仲拉咗祥仔㖭!一直咬住詩詠唔放嘅馬賽,突然間轉軚話想幫詩詠,點知連累咗保安司爸爸執包袱返屋企。當然不得不提俾添哥點名力讚嘅詩詠, 今晚就會見到佢癲咗喺密室度肢解啲人形公仔,又攬又喊咁嘅樣,睇落都幾心寒!

「唔好再叫布布」

至於變咗怪物嘅嘉年同祥仔一直處於敵對狀態,嘉年仲捉咗詩詠要脅祥仔,希望攞晒佢啲腦細胞嚟激發更高潛能,但祥仔唔肯就範。睇到嘉年狂妄自大嘅表情,再加入蕭正楠扮變節,轉投嘉年嘅身邊做卧底,呢個正邪對立嘅鬥法唔知觀眾又受唔受呢?
另外,祥仔噚日喺銅鑼灣出席活動,記者影相時大叫佢「布布」,祥仔講笑話:「唔好再嗌布布,死咗都翻生,有朋友暈咗,叫布布即醒。」提到《神》劇收視麻麻及劇情離奇翻生,佢話:「如果有個女人喺你面前嗌廿幾次,都會醒。今次唔緊要,咁先有得檢討,之前太多人讚,偶爾失敗一次俾人點醒吓。我以前都拍好多爛片爛戲,先有今日嘅我,自己都覺得劇本唔合理同誇張。」
版主:陳基征

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載