› 選擇地區
三藩市
紐約
洛杉磯
其他美國地區
香港 台灣 北美
 
2013年05月10日

fb遭盜名開戶
嘉玲:查緊係邊個

【澳門直擊】劉嘉玲昨日穿露肩裙現身澳門新濠天地,為歌舞劇「TABOO色惑」慈善首演揭幕禮擔任嘉賓,曾封金像影后的嘉玲坦言很想演舞台劇,希望最快明年或後年可實現夢想,她說:「我性格好男仔,要我扮男仔都好,角色冇所謂,歌舞劇、話劇、舞台劇都可以,唱歌都得,同邊個合作亦冇所謂。」
前晚有署名「劉嘉玲」的用戶在facebook留言分享人生道理:「接受了艱困的遭遇,我們就不會再有任何的損失。因為,『接受』即是最大的收獲(穫)。」原來這個並不是嘉玲的fb,而是被人盜用名字開戶,嘉玲說:「呢個fb其實唔係我,可能係我一個影迷開,我都查緊佢係邊個,不過對方都好友善,知道佢冇惡意,只係轉載我喺微博嘅留言。」

「俾人利用唔係壞事」

問到盜用戶口者會否是追求者?嘉玲笑說:「我嘅追求者唔會咁勤力,其實可以有條件俾人利用唔係壞事,只要動機唔係唔好就得。」她表示閒來愛在微博轉載別人的智慧留言,跟大家分享人生及樂觀態度,從失敗中認識自己。

下周出戰康城

另外,嘉玲前日才由紐約出席大都會博物館晚宴(MET Ball)返港,下周三又出戰康城為電影《過界》做宣傳,由於《過界》入圍第66屆康城國際電影節「一種關注」單元競賽,而章子怡則擔任評委,問到會否向章子怡拉票?嘉玲強調:「唔會,我哋唔講呢啲!」
採訪:張俊銘

逢周五隨《蘋果日報》附送嘅時尚美容雜誌《add》雖然早已派完;拎唔到書嘅朋友,可以上番《add》嘅官網 http://hk.add.nextmedia.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載