› 選擇地區
三藩市
紐約
洛杉磯
其他美國地區
香港 台灣 北美
 
2013年05月13日

收視贏高倫布金枝貳
《愛‧回家》添食到500集

無綫處境劇《愛.回家》收視勁過《神探高倫布》和《金枝慾孽貳》,前晚《愛》劇一班演員與80位來自中港的粉絲,在將軍澳電視廣播城筵開15席歡聚晚宴,無綫助理總經理區偉林同時宣佈《愛》劇原本由180集加至300集,現在決定再添食至500集。唱主題曲的鄭欣宜自言希望加入,希望做朱慧敏的表妹,並透露忙於為亡母沈殿霞的紀念騷綵排。

黎諾懿、朱慧敏及蔣家旻等《愛》劇演員昨日在油塘出席母親節活動,諾懿揚言拍完劇便會迎娶家族資產逾億的女友李潔瑩,認真是雙喜臨門。諾懿說:「想有充足啲時間,唔怕再加集數,因為結婚都要籌備,同女友有共識,𠵱家努力儲錢先。」他表示前晚已跟媽媽食飯慶祝母親節,昨日則親自下廚與女友母親一同慶祝,施展外母政策。
初為人母的姚瑩瑩在台上分享做母親感受時,感動到喊,她說:「媽咪今朝WhatsApp我祝福,真係好驚喜。」身旁的朱慧敏都眼濕濕。楊卓娜直言現在工作冇壓力,她說:「加集數好開心,因手頭只係拍呢部劇,一星期返一日,由朝拍到晚,其餘時間可以照顧小朋友。」蔣家旻早前被本報拍到與朱敏瀚行街,她大方承認拍拖,她說:「珍姐(曾勵珍)都問我有冇專心工作,其實公司都持開放態度,唔介意一齊拍廣告搵錢,但演情侶就有啲尷尬。」

朱璇搵拖拍

有份演《愛》劇的朱璇大讚劇集內容輕鬆是優勢,她說:「有時我食午飯都可以上myTV睇,唔係好長,每集都有唔同故事。」劇中她與黎諾懿拍拖,笑言好羨慕對方找到真愛,她說:「佢女友我都識,好靚女、人又nice,我都要搵啲拖拍。」
採訪、攝影:馬建華、王崇穎

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://hk.add.nextmedia.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載