› 選擇地區
三藩市
紐約
洛杉磯
其他美國地區
香港 台灣 北美
 
2013年05月18日

我主場:楊采妮執導遇貴人

楊采妮在圈中人緣好朋友多,初執導即一呼百應找來郭富城及桂綸鎂助拳。
攝影:陳順禎

多年來以清純形象示人的楊采妮(Charlie),在未有「女神」稱謂的年代入行,只能屈就成為玉女。不過公道自在人心,她早前為處女執導的電影《聖誕玫瑰》宣傳,訪問過後成為一眾男記者的集郵對象爭相合照。相由心生,人緣與此有莫大關係,新作中她動用的人情牌,遍佈台前幕後,金馬影帝郭富城、影后桂綸鎂,就連金像導演徐克都不遺餘力,為她監製把關。撰文:文國駿

由模特兒到演員,再到現在的導演身份,楊采妮在娛樂圈中的身份不斷轉變,她坦言沒有擔心適應不來,只因相信事在人為。談到拍攝《聖誕玫瑰》的念頭,她表示從來沒有導演夢,一切也是機緣巧合。
楊采妮說:「其實我一向都有寫書同寫專欄,用作同人溝通嘅橋樑,08年時我本來想寫本關於人性嘅新書,諗諗吓不如試吓用影像表達,因為我睇戲時都好容易被感動到,嗰時係正式開始寫劇本。」她往後把劇本給了好友徐克、張之亮及彭順等導演看,徐克跟張之亮更建議由她自己執導,Charlie的導演之路由此正式展開。

相關新聞:郭富城:音樂滿足唔到我

努力改劇本

雖有名導相助,但Charlie未有因此走捷徑極速開拍,反而為了經歷一般新導演的路,她膽粗粗拿劇本參加「香港亞洲電影投資會計劃」,在世界各地電影人面前講解劇本及解答他們的問題,Charlie說:「嗰次對我嚟講係一個好好嘅熱身,因為有好多電影人不斷問我一啲有關劇本上嘅問題,佢哋問得好深入,所以我自己都有得着,可以一路將個劇本改好,直到前年年尾,我終於覺得個稿係完美,係時候開拍。」
但電影不是你說開拍便開拍,若沒有投資者一切也只是空談,Charlie表示非常感恩博納影業集團總裁于冬的主動幫助,她說:「于冬係一個好好嘅人,我喺一個場合見到佢,佢話聽講我搞緊個劇本,我講完畀佢聽之後,佢就話不如佢去投資,就係咁爽快,真係好多謝佢。」

學生交功課

對於今次處女執導,Charlie坦言差點被後期工作難倒,幸好有徐克及張之亮一路協助,她說:「第一次喺部攝影機後面做嘢,其實鏡頭運用嗰啲都冇乜大問題,始終平時做演員都會見到導演點做,反而後期工作真係難倒我,原來每一步都可以咁複雜,好彩我有兩位好好嘅監製一路幫我教我。佢哋把關得好嚴謹,我由劇本到後期都好似學生交功課畀阿Sir咁,等佢哋批核,成日都會打回頭叫我再做過,但係當佢哋話成功過關時,我又會好開心,可以用開心到跳舞嚟形容。」
談到《聖》片的演員陣容甚強,包括郭富城、金馬影后桂綸鎂,還有演技備受肯定的張震及廖啟智等,問Charlie是否用盡人情牌?她笑言:「都可以咁講,因為我永遠唔知道我會唔會有下一次嘅執導機會,所以我今次想做到最好,搵一班我同徐克、張之亮都覺得最適合嘅演員,最重要係我知佢哋都係對電影充滿熱誠,反而冇諗佢哋係咪影帝影后。」
Charlie又大爆一班台前幕後很有凝聚力,例如戲中一幕講桂綸鎂痛哭的戲份,拍攝時一班工作人員竟然跟着小鎂一同流淚,Charlie說:「所以今次拍攝真係好開心,首次執導我唔會為自己畀分,但我已經盡我所能,亦都做到拍攝前同自己講嘅每一日都要活在當下,享受每一日嘅拍攝。」
髮型:Sam Lo(orient4.hk)、Hetty Kwong
化妝:Pui Pui、Ian Wong(ii Salon)
場地提供:深圳觀瀾湖

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載