› 選擇地區
三藩市
紐約
洛杉磯
其他美國地區
香港 台灣 北美
 
2013年05月18日

郭富城:音樂滿足唔到我

雖然歌影雙棲,但郭富城坦言電影才能給他足夠發揮空間。

郭富城為主演電影《聖誕玫瑰》落力宣傳,他坦言跟導演楊采妮可以用青梅竹馬來形容,他說:「我哋喺工作上面雖然唔係每年都見,但喺入行後重要嘅里程都有大家喺度,好似我憑住同佢合作套《父子》攞影帝,而佢入行拍廣告又係同我拍咁,我哋私底下係好好朋友,所以今次拍攝都好有默契。」

相關新聞:我主場:楊采妮執導遇貴人

看淡提名

城城坦言友情是令他接拍的原因:「其實劇本都未有嗰陣,Charlie講話想寫,我已經同佢講會無限量支持佢,到最後我都好鍾意個劇本。」談到入行多年也是歌影雙棲,城城表示近十年自己比較注重電影方面,現正處於演戲的成熟期,他說:「我覺得𠵱家係我喺演戲方面,不論心智同思想都係最成熟嘅階段,其實我2000年時已經有專注電影嘅諗法,因為我當時覺得音樂舞台已經滿足唔到我,電影舞台先俾到我足夠空間發揮創意。」
至於早前的香港電影金像獎,城城連提名也沒有,他不諱言有一刻失落,但卻算不上很不開心,他說:「其實之前套《最愛》,我用咗更多心機去融入角色同了解劇本,但最後喺香港同台灣都冇提名同迴響,只係內地金雞獎有提名,嗰一刻開始我已經對獎項提名看淡咗。」

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載