› 選擇地區
三藩市
紐約
洛杉磯
其他美國地區
香港 台灣 北美
 
2013年05月22日

逾300藝員晒冷造勢
無綫送名車救收視

無綫近期處於收視低迷期,連重頭劇《金枝慾孽貳》都遭遇滑鐵盧得平均19點(約122萬觀眾),創下黃金時段收視新低點,為挽頹勢,無綫今日安排全台逾三百名藝員晒冷造勢,還公佈將送重量級獎品吸引觀眾留低。
去年無綫也曾舉辦送車、送錢遊戲,包括《香港小姐競選》送名車,暑假期間三周內每日送1萬元現金獎等,大受觀眾歡迎,尤其一人一票選港姐贏靚車因反應熱烈而令電腦系統冧機,難怪無綫繼續「重金」留觀眾,在今日舉行的晒冷活動中將宣佈繼續有《Amazing Summer熱爆Fun》遊戲,讓觀眾得到回報。
另外,無綫更不惜暫停今日劇集外景拍攝,安排三百多位藝員返電視城影大合照及拍宣傳片,藝員包括徐子珊、黃宗澤、馬國明、胡杏兒及黎耀祥等,加上無綫再為增發新免費電視牌照司法覆核上訴,順道以藝員強勢撼香港電視。

「騷畀世界睇幾強」

對於有指此活動為救收視,無綫外事部副總監曾醒明昨日否認:「去年都召集咗全台藝員返嚟,除咗拍年曆封面外,亦壯聲勢,騷畀全世界睇無綫嘅實力有幾強,拍宣傳片包括Amazing Summer,去年嘅送禮遊戲觀眾好受落,送出近三百萬元,今年再接再厲,豐富獎品,斟緊嘅獎品希望有數十部智能手機同歐洲名車,詳情待落實即公佈,今次造勢唔係為咗收視,最主要係回饋觀眾。」
採訪:丁寧

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載