› 選擇地區
三藩市
紐約
洛杉磯
其他美國地區
香港 台灣 北美
 
2013年05月23日

無綫353藝員賀播世界盃
徐子珊苟姑娘爭講波

相隔16年,無綫重奪世界盃轉播權,353名藝員昨日齊集將軍澳電視廣播城拍宣傳片造勢。世界盃肯定是無綫明年重點製作的節目,徐子珊和馬國明第一時間自薦做世界盃主持,連廣東話不靈光的兩大女神苟芸慧和岑麗香都希望自組「處女下海團」到巴西講波經,對世界盃主持之位虎視眈眈。

相關新聞:黃翠如:我唔係講六四

近排無綫劇集如《金枝慾孽貳》和《神探高倫布》等收視不濟,加上政府增發免費電視牌照步步進逼,無綫不得不加把勁!老闆陳國強昨日率領無綫高層以及353名無綫藝員在將軍澳電視廣播城大晒冷,宣佈投得2014年巴西世界盃轉播權,令台前幕後感到振奮。

搵埋香香組處女團

據悉無綫今次「落重注」以巨額四億元投得轉播權,巴西世界盃將於明年6月12日開始,屆時無綫誓視為重頭節目,除鎖定「福祿壽」曾志偉、陳百祥、譚詠麟及有講波經驗的李克勤講波外,當然少不了靚女助陣撐場。一向做事主動的徐子珊分別與殼王陳國強和黃宗澤傳過緋聞,昨日三人同場,子珊自薦參與世界盃,她說:「剛才叫叻哥帶埋我去巴西,佢仲笑話『你唔去就死!』我都希望真係有機會去。」對於與殼王同場,問她可會尷尬?子珊說:「佢(殼王)年年都喺度,點尷尬,唔通唔使開工咩。」
別以為子珊講世界盃坐定粒六,皆因近期人氣爆燈的苟芸慧和岑麗香也加入戰團,雖然她們都擔心自己講廣東話講得差,但仍希望「處女團」結伴參與,甚至飛赴巴西講波,因為她們的英文流利搭夠,苟姑娘說:「如果要講英文都好,搵埋王君馨同李亞男,可以增進友誼。」而男神馬國明也不執輸,揚言要死跟,他笑說:「唔一定靚女,都要男人相伴㗎,我都有興趣,會考慮自薦。」

相關新聞:頒令要有八成劇本

杏兒黃宗澤零交流

昨日雖然人多勢眾,但卡士明顯較薄弱,陳豪、林峯和陳法拉等均沒現身,較有份量的只有黎耀祥、汪明荃和鄭裕玲,不過同場有過氣情侶黃宗澤(Bosco)和胡杏兒被安排站在一起,馬國明和胡定欣則分企前後排,Bosco否認被擺上枱,他說:「冇嘢,公司安排OK嘅。」見杏兒和黃宗澤在台上零交流,杏兒只與馬國明咬耳仔,Bosco稱與杏兒在台下有say hi及點頭,但私下甚少聯絡。有傳好友林峯秘婚,Bosco說:「冇同我講,如果係會恭喜佢。」杏兒被問到是否將舊情放低了?她尷尬說:「冇嘢,唔好問呢啲啦。」
採訪:王崇穎、何慧斯
攝影:陳慧安、黃文偉

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載