蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年05月24日

林夏薇代茵媺打到飛起

陳茵媺原本擔正無綫劇《寒山潛龍》女主角,飾演武林高手楊卯,但她突然辭演,盛傳是急返加國安胎,男友陳豪目前未有否認,只說:「有好消息會向大家公佈。」林夏薇臨危受命頂替陳茵媺,昨日《寒》劇演員在電視城試造型,林夏薇直言不介意執二攤,只在意要勤練功夫,應付接踵而來的武打場口。
林夏薇拍完另一無綫劇《單戀雙城》後,原打算小休至7月,但突收到通知,她說:「係臨時通知,比較趕,要去練功夫上堂,因為劇入面我做武林高手。」聽到角色是武林高手,全場譁然,難怪盛傳懷孕的陳茵媺辭演,林夏薇識趣說:「我唔知呀!只知道做武林高手,我唔介意,我好開心公司畀機會我演古裝。」提到堂哥林峯被傳閃婚,她說:「冇聽過,我今次去畢業禮。」

馬明想咀李詩韻

同場的緋聞男女馬國明(馬明)和李詩韻在劇中演恩愛夫妻,馬明強烈要求加入床戲和咀戲,他笑說:「我成日都要求,但未成功過,我見到詩韻喺《情越海岸線》同展鵬係咁錫都火火哋,呢套我目標係爭取一個kiss。」李詩韻早前跟薛凱琪的黑人舊愛約會,事後她強調只喜歡中國人,馬明說:「我係百分百本土香港仔。」對於馬明要求咀嘴,李詩韻說:「都要講劇情需要,唔係為咀而咀。」兩人曾傳緋聞,會否怕拍劇時撻着?李詩韻說:「話咗五年後,如果大家都冇伴咁慘,咪試吓一齊囉。」
採訪:楊潔雯
攝影:黃偉雄

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載